The Forgotten Memories

C. Seventeen

 17.

LEAKED

“Phia! Bilisan mo na! Ma-lelate na tayo!” Sigaw ni Venice kay Phia habang hinihila ang kumot nito.

“Deja vu na naman ba to, Venice?! Umuwi ka na nga muna! An aga-aga mo magdistorbo!” Sagot naman ni Phia at hinila pabalik ang kumot tsaka natulog ulit.

“Hoy! May kasalanan ka pa sa akin! Hindi mo sinabi na may outing pala kayo mamaya! Ano yun, hindi mo ako isasama?”

“Sama ka diyan? Venice, outing naming magkakagrupo yun. Hindi ka kasali!”

“Eeee! Gusto kong sumama, Phia! Iiwan mo na lang ba ang beautiful, gorgeous, sexy and pretty best friend mo dito?”

“Dami ko palang best friend. Bakit wala ka dun?” Biro naman ni Phia.

“Phia naman eh! Sige na, please? Sama na ako. Sawang-sawa na talaga ako dito. Gusto ko rin mag-outing. Kilala ko naman yan sina Cindy, Zoe, Kevin, Sam at mas lalo na yang si Zach nuh! Tsaka, nagpaalam na ako kay Cindy. And, pumayag na siya! Hihi!” Tuwang-tuwa na sabi ni Venice.

Bumangon si Phia at umupo sa kama. “Wow ah? Close kayo?”

“FYI, classmates kami sa ibang subject nuh! Kaya friends kami!”

Tiningnan naman ni Phia ang oras. “Baliw ka talaga, Venice! 6am pa lang, nandito ka na!”

“Malay ko ba kung anong oras ang alis niyo!”

Nalaman ni Venice ang tungkol  sa outing dahil inaya niya rin ang sarili niyang group. Biniro siya ng isa niyang ka-member at sinabing, “Gaya-gaya lang sa grupo nina Cindy? Haha!” Tapos tatawagan niya sana si Phia para i-confirm pero hindi naman ito sumasagot. Kaya si Zach na lang ang kanyang tinawagan at nalaman niya na meron nga talaga.

“Teka, anong oras ba kayo aalis, Phia?”

“8 am.”

Lumaki ang mga mata ni Venice. “What?! 8 am?! Sana natulog pa ako! Bakit pa kasi hindi ako nagtanong ng time? Ang—“

“Tanga mo talaga? Alam ko na yun, Venice.” Natatawang sabi ni Phia.

“Kaderder ka talaga! Lagi mo akong inaaway. Hay nako, matutulog na nga lang ako ulit dito.”

Papunta na sana si Phia sa banyo nang mapansin niya ang kanyang bagahe. Naalala niya naman na ang sinabi ni Zach. “Sasama si Kath bukas sa outing ng barkada.”

Unti-unti siyang lumingon sa nakahigang si Venice. “Um  Nice, hindi na ata ako sasama sa outing.”

Agad na napabangon si Venice. “Ano? Bakit naman biglaan yan? Ok ka lang ba?”

“Kasi, sasama si Kath eh.” Mahinang sagot ni Phia.

Natahimik rin si Venice. Oo nga pala, Mahal na ni Phia si Zach. “Phia, kailangan huwag kang magpaapekto sa kanila. Gusto mo siya makalimutan diba?”

Tumango ang dalaga.

“Well, hindi magwowork yang pag-iiwas mo sa kanya.”

“A-alam mo? Ganoon na ba ako ka-obvious?”

“Phia, best friend kita kaya madali para sa akin ang basahin ka. Pag-iniwasan mo ang taong gusto mong makalimutan, mas lalo mo lang siya maaalala at mamimiss.”