مع بداية الدراسة....
يحكى أن هناك طالبة تدعى سلمي في الثامنة عشرة من عمرها في المرحلة الاخيرة من الثانوية العامة تلك الفتاة منذ صغرها كانت تود أن تصبح راقصة بالية ولكن ارادت ان تحتفظ بهذا الشأن لنفسها خوفا من أن يغضب والدها لانه كان رجل ريفي قبل ان يسكن إحدي المدن هو و أسرته كاملة بسبب حرب قامت منذ وقت طويل و بالرغم انه استقر و ترعرع هو و اسرته في الحضر الا أنه ظل متمسكا بعاداتهم و كان هذا الشئ خطا بالنسبة لهم لكن تلك الفتاة لم تمنع نفسها من ان تسمع موسيقى مثل بحيرة البجع و غيرها دون علم أحد.
هي متوسطة اخوانها لديها اخ اكبر ويدعى وائل وهو في سن 21 سنة في السنة الثالثة من كلية اداب قسم لغة انجليزية وهو كل ما يتمناه ان يتخرج كي يتقدم لخطبة محبوبته جميلة.
ولديها اخ اصغرهم هو رامي و هو في الصف الثاني الاعدادي يبلغ عمره 14 سنة.
سمية (والدة سلمي) :يا سلمي سيبي الزفت اللي في ايدك ده وقومي ذاكري ولا عايزة ابن عمتك يجيب اعلي منك و اهل ابوكي يفضلوا يتكلموا ويقولوا عليكي انك فاشلة و اني معرفتش أربي.
سلمي ببرود :حاضر يا ماما حقعد حبة بس افك عن نفسي شوية وبعدين حقوم اذاكر علشان اجيبلك مجموع تتشقلبي بيه قدام عمتي مش بس تتفشخري بيه قدامها.
سمية :عوض عليا عوض الصابرين يارب في بنت في الدنيا تقول لامها تتشقلبي انتي بتتريقي عليا يا بت انتي.
سلمي بدلال :لا طبعاً يا ست الكل هو انا اقدر برضو ده انتي الخير والبركة و رائحة الورد اللي بتجمل البيت.
سمية :ايوة يا بت كلي بعقلي حلاوة كلي بس برضو حتقومي من علي الموبيل ده.
سلمي :انا برضو أكل بعقلك حلاوة يا سوسو انتي يا قمر مقدرش طبعاً وبعدين انتي ظلماني علي فكرة انا بذاكر من علي الموبيل.
سمية :يا سلام.
سلمي :وحياة عبد السلام قصدي شوفتي ازاي ظلماني .
سمية :اما طلعت ظالمة بصحيح يعني مكنتيش قاعدة علي الفيس بتكلمي صحباتك الفشلة اللي زيك.
سلمي :طبعاً لا يا ماما ده انا بترجم من عليه ما انتي عارفة المستر بتاعي صعب اوووي وبيدينا جمل ترجمة صعبة اوي و المفروض نترجمها بدأها معانا نفخ هو كمان.
وقد اتي صوت من بابا الغرفة و هو يفتح :بترجمي برضو من عليه امال مين اللى قاعد ينزل في بوستات عن مأساة الثانوية العامة اللي يشوفك يقول البت ما بتسبش الكتاب من ايدها وانتي ما بتفتحيهوش اصلا خمس دقايق علي بعض.
سلمي :وانت مين اللي دخلك في الكلام يا رخم مش قولتلك ميت مرة لما الكبار يتكلموا الصغيرين يحطوا جزمة في بؤهم وبعدين تعالي هنا انت بتتصنت عليا انا وماما (وكانت تقترب من امها علي اساس يعني بتسخنها على اخوها).
رامي باسلوب رجل كبير وهو رافع رأسه :مبدئيا انا مش صغير انا في تاني اعدادي وبقيت راجل ملو هدومه ثانياً انا مكنتش بتصنت انا كنت بنده لماما علشان تحطلي الاكل علشان اكل قبل ما انزل درسي
سلمي :مش انت عاملي نفسك راجل روح انت بقي حط الاكل لنفسك.
رامي :علي فكرة دي شغلة البنات انهم هما اللي يحطوا الاكل لينا عشان ناكل.
سلمي :اه حنرجع لجو سي السيد ولا امشي من هنا بدل ما اضربك.
رامي :تضربي مين ده انا كنت قسمتك نصين قبل ما تعمليها.
سلمي وهي تقترب منه كأن اسد يقترب من فريسته وسينقض عليها :انت اللي جبته لنفسك تعلالي بقي وأخذوا يضربوا بعض.
سمية :بااااااس بدل ما اقول لابوكم وهو يتصرف معاكم انتوا الاتنين.
--------------------------------------------------------
في احدي الشركات الكبري بالاسكندرية....
شخص اول :انا مش عارف الواد ده امتي حيعقل كل يوم سهر عمره ما كان كده من ساعة ما اتلم علي الشلة الفاسدة اللي لفوا عليه وهو متغير و المشكلة انه عارف انهم بيستغلوا وساكت.
شخص اخر :ان شاء الله ابن حضرتك حيرجع زي زمان هو بس هو حالياً مجروح جرح كبير من اللي حصله.
الشخص الاول :انا ياما حذرته منها وقولتله انها بتستغله و عايزة تاخد منه فلوس ومعلومات عن شركتنا واول ما حتاخدهم حتجري حتحط الفلوس في جيبها وتقبض من الشركة اللي بعتاها تجيب معلومات كتير ومنافسينا كتير بس هو مصدقش.
الشخص الثاني :ان شاء الله ابنك سعادك حيفوق قريب ويرجع احسن من الاول بس قول يااارب
الشخص الاول: يارب
--------------------------------------------------
نرجع لعيلة سلمي الحمد لله الخناقة عدت علي خير و كل واحد تناول طعامه ثم كل منهم يستعد ليذهب درسه سلمي كعادتها تذهب الي صديقتها المفضلة ندي فهي تسكن قريب من سلمي وتقريبا مع بعض في كل الدروس عدا درسين الرياضة والعربي اما بقية الدروس كانوا يذهبون سوياً.
ندي :ما بدري يا ست سلمي هو احنا لازم كل حصة نتنفخ بسبب تأخيرك
سلمي :وانا مالي هما اللي بيبدءوا بدري المفروض هما اللي يستنوني لما اجي و بعدين يبدءوا
ندي : ده علي اساس انك المستر مثلاً ولا علي اساس الاجتهاد اللي بينقط منك.
سلمي بثقة :لا ده علي اساس اني اكتر واحدة بضرب في الحصة فيقدروا ده.
ندي :ههههههه لا في دي عندك حق.
فجأة و هم يسيرون وسلمي تتحدث اذا بندي تقول لسلمي سلمي خدي بالك حححاااااسبي.
سلمي وهي تنظر جانبها بخوف :هه.
أنت تقرأ
سأظل رغم الصعاب
Fanfictionالحقيقة انا اول مرة اكتب رواية واتشجع وانزلها فيارب تعجبكم دائماً ما تفاجئنا الاقدار بما لا تشتهيه قلوبنا ولكن حكمة الله في هذا الشئ تكون اكبر مما نظن واعظم مما نتخيل هكذا قصة سلمي ستفاجأها الحياة بما لا تحب ولا ما يتمناه بشر في الوجود ولكن هذا الش...
