تشرق الشمس في يوم ملئ بالاحداث كل شخص فيه يفكر في ما سيحدث بعض القلوب خائفة وبعضها حزينة واخرى مشفقة و قلوب اخرى خبيثة تري هل ستنجح تلك القلوب في نيل مرادها ؟
في منزل سلمى .....
سلمى :يلا يا رامي استعجل شوية عايزين نوصل هناك.
رامي :حاضر اهو حخلص.
ارتدى رامي بدلة كان فيها في غاية الاناقة وكان يبدوا وسيما جدا فيها جعلت سلمى عندما رأته زهلت من هيئته.
سلمى :اش اش اش اش هو حضرتك عريس النهاردة ولا ايه.
رامي :حاولت اسمع كلامك زي ما قولتيلي.
فلاش باك امس....
اثناء شرود سلمى في افكارها دخل اليها رامي.
رامي وهو يبدوا عليه علامات الحزن :سلمى ممكن ادخل.
سلمى بسخرية :ايه الادب ده!!! طبعا تقدر تدخل.
جلس رامي علي كرسي امامها.
سلمى :مالك؟
رامي بحزن :انا مش عايز اروح بكرة العرض .
سلمى بعدم فهم مصطنع :ليه؟
رامي و هو ينظر لها قائلا بجدية :عايزة تقنعيني انك مش عارفة السبب؟
سلمى بجدية :عايزة اسمعه منك.
رامي :لان وبكل بساطة مش حقدر استحمل اللي بيحصل ده انتي عارفة كويس ان كان حلم وائل انه يخلص كليته علشان يتجوزها تقومي انتي اللي تحاولي تقربيها من شخص تاني دلوقتي ازاي جالك قلب تعملي كده .
سلمى :لاني مش عايزة ابقى انانية يا رامي! بص اللي حقولهولك دلوقتي عارفة انه صعب اوي بس دي تبقي الحقيقة والحقيقة بتقول ان مر علينا اهو شهرين او اكتر ومنعرفش حاجة عن اهلنا خالتك حست بس كل مرة اخترع لها حجة وفي الاخر اخترعت مشكلة علشان ابعدها عننا محدش غيرها حس بينا تقدر تقولي بقي حنعمل ايه؟ دلوقتي وضع جميلة نفس الحكاية متعرفش اي حاجة عن حبيبها هى مستعدة تستنى بس لحد امتي ممكن تمر سنين وهي مستنية وعندها امل تلاقيه و ميجييش.
رامي وهو يبكي: بس انا متأكد انهم حيرجعوا.
سلمى و هي تضع يدها على رامي :رامي دي الحقيقة الامل ضعيف محدش عارف حصلهم ايه انا عايزة انقذ اي حاجة عايزة اساعد جميلة انها تخرج من الجو ده و تعيش حياتها مش عايزاها تتألم هى ليها حق تستمتع بحياتها، رامي انا محتاجكاك تساعدني انا مبقاليش غيرك دلوقتي.
رامي :يعني عايزاني اعمل ايه؟
سلمى بهدوء يعكس ما في قلبها :تلبس احسن لبس عندك وتعمل كل اللي كنت حتعمله لو كان وائل مكان وليد بكرة.
رامي :صعب اوووي اللي بتطلبيه يا سلمى.
سلمى :علشان خاطر سعادة جميلة.
نهاية الفلاش باك....
سلمى بفرحة :كنت متأكدة انك مش حتخزلني.
رامي باندهاش :انتي لسه ملبستيش.
سلمى :حلبس هناك يلا بينا علشان منتأخرش اكتر من كده.
ذهبت سلمي هى واخيها الي المدرسة حيث الاستعدادات التقيا بوليد.
سلمى بثبات :جاهز.
وليد بقلق :ربنا يستر.
سلمى وهي تشير لرامي :ده رامي اخويا الصغير وده يا رامي وليد عريس جميلة.
وليد بإبتسامة :اهلا بيك انا بشكرك جدا علي حضورك النهاردة انت مش عارف حضورك ده فرق معايا اد ايه .
رامي بإبتسامة صغيرة محاول اخفاء حزنه خلفها :متقولش كده ده واجبي وبعدين سلمى حكيتلي علي اللي عملته معانا انا اللي المفروض اشكرك مش انت.
وليد :تشكرني ايه خلاص انا سلمى دي بقت اختي الصغيرة خلاص و حكون سعيد لو اعتبرتني انت كمان اني اكون اخ ليك و لو احتجت حاجة تقولي .
رامي بعدم اقتناع:ان شاء الله.
سلمى مقاطعة لهم :الفوج السياحي جاي امتي؟
وليد وهو ينظر إلى ساعته :كمان ساعة كده.
سلمى :والفرق جت اللي حتقدم العروض و الزينة اتحطت و...
قاطعها وليد :كل حاجة جاهزة و فرق العروض كلها جت و ما فاضلش غير اني اروح اجيب جميلة بس قولت استني لما تيجي انتي الاول علشان لازم وجود حد فينا.
سلمى بتفهم :خلاص روح انت جبها وانا موجودة .
وليد :طيب سلام.
سلمى :سلام.
أنت تقرأ
سأظل رغم الصعاب
Fiksi Penggemarالحقيقة انا اول مرة اكتب رواية واتشجع وانزلها فيارب تعجبكم دائماً ما تفاجئنا الاقدار بما لا تشتهيه قلوبنا ولكن حكمة الله في هذا الشئ تكون اكبر مما نظن واعظم مما نتخيل هكذا قصة سلمي ستفاجأها الحياة بما لا تحب ولا ما يتمناه بشر في الوجود ولكن هذا الش...
