في مكان اخر في منطقة مظلمة كان هناك رجل لا يظهر منه شئ سواه ظهره يتحدث مع شخص اخر عبرا هاتفه.
الشخص الاول :جهز نفسك علشان المهمة حتتم في وقت قريب جداً.
الشخص الثاني :متقلقش انا جاهز في اي وقت.
الشخص الاول :انا مش عايز اي غلط عايز المهمة تتم علي نضيف من غير ما يكون في دليل وراك.
الشخص التاني :عيب يا استاذ هي دي اول مرة.
الشخص الاول :طب اسمع اللي حقوله ده (............)
الشخص الثاني وقد ظهرت إبتسامته الخبيثة : اعتبره حصل خلاص.
في منزل سلمي...
سلمى بقلق :رامي روح بسرعة اطلب بابا ولا وائل خليه يجيب دكتور ويجيي بسرعة (وهي تصرخ)
رامي بخوف :ححاضر
سلمي كانت تحاول إفاقة والدتها ولكن دون جدوى بينما رامي طلب اخوه ووالده واعلمهم بالامر.
سلمي :عملت ايه؟
رامي :كلمت بابا ووائل وقالولي حيجيبوا الدكتور و ييجوا.
سلمي :استرها يااارب من عندك.
...في نفس الوقت كان مجموعة من الشباب والفتيات يتحدثون....
سما :بقولكم ايه الواحد اتخنق عايزيين نعمل حاجة جديدة نكسر بيها الملل ده.
تامر :علي رايك ده الواحد بقي مخنوق كل يوم نروح نفس المكان ونسهر فيه ولا في حاجة تظبط الدماغ ولا إثارة زي زمان.
نور بسخرية :انت محسسني انك بتشتغل والدنيا جاية عليك والحياة غالية وانت مش عارف تعمل ايه.
تامر وهو ينظر له :شغل وليه السيرة اللي تعكر المزاج دي افتكرلنا حاجة عدلة هو انا بتاع شغل برضو .
هيثم :بس بس ايه حتتخانقوا انا عندي واحد حيعمل الواجب معانا و حيظبطنا في سهرة حلوة بس حراق حبة و حنسافر له .
سما :واو فكرة حلوة اوي.
تامر :ايوة بقي رجعونا لزمان.
سما بدلال و نظرات لعمر :لا وحتبقي احلي علشان عمر حيبقي معانا.
تامر :امال ربنا يخليه لينا السفرية دي عليك يا عمر.
نور بغضب :ايه ده هو كل مرة عمر اللي يعزمكم؟ ما حد فيكم يخلي عنده دم و هو اللي يشيل السفرية دي.
عمر :سيبه يا نور انا موافق.
تامر بإبتسامة مزيفة :حبيبي يا عمر ايوة بقي فك يا نور ده احنا وعمر واحد كلنا حبايب في بعض.
عمر وهو يرفع اصبعه مشيراً لتامر :لا مش معني اني وافقت ادفع كل مصاريف السفرية دي اننا نبقي واحد ها.
بدى التوتر يسود المكان فبدأ هيثم يخفف التوتر.
هيثم وهو يحاول يهدي الجو :انا حكلم الواد و حتفق معاه واشوف حنروح له امتي.
سما :هو ده الكلام دي شكلها حتبقي سهرة حكاية.
فحص الطبيب سمية في وسط قلق الجميع ثم أعطاها حقنة افاقتها وخرج من الغرفة.
سليم :خير يا دكتور مراتي فيها ايه؟
الطبيب :هي المفروض تعمل عملية قلب ولا حاجة؟
سليم بدهشة :قلب؟ قلب ايه هي مراتي عندها القلب؟
الطبيب :واضح انك متعرفش بس انصحك لازم تعملها عملية المرة دي جت سليمة الله اعلم المرة الجاية ممكن يحصل ايه.
سليم بقلق :للدرجة حالتها وحشة؟
الطبيب وهو يضع يده على كتف سليم محاولا تهدئته :متقلقش انا اعرف خبير جاي من المانيا متخصص في الحالات دي نازل القاهرة كمان يومين كده لو عايز رائيي وديها عنده.
سليم :اه طبعاً حوديها بس العملية دي مضمونة يا دكتور؟
الطبيب :معرفش بس روح انت والمدام وهو اللي حيفيدك في الموضوع ده.
سليم :شكراً يا دكتور وانا حروحله بس حضرتك قولي اول ما ينزل القاهرة ودي نمرتي (.......).
أنت تقرأ
سأظل رغم الصعاب
أدب الهواةالحقيقة انا اول مرة اكتب رواية واتشجع وانزلها فيارب تعجبكم دائماً ما تفاجئنا الاقدار بما لا تشتهيه قلوبنا ولكن حكمة الله في هذا الشئ تكون اكبر مما نظن واعظم مما نتخيل هكذا قصة سلمي ستفاجأها الحياة بما لا تحب ولا ما يتمناه بشر في الوجود ولكن هذا الش...
