جاء اليوم التالي... وكانت سلمي مرهقة كثيرا ذهبت كي تصلي الصبح ثم اعدت الافطار لها و لاخيها و اتجهت الي عملها بينما ذهب رامي الي منزل والدة ندى اثناء سير سلمي الي العمل رن هاتفها.
سلمى :السلام عليكم
المتصل :وعليكم السلام ازيك يا سلمى.
سلمى :انا تمام الحمد لله وانت.
المتصل :الحمد لله انا نازل مصر قريب.
سلمى :بجد طب كويس ها كله تمام .
المتصل :متقلقيش.
سلمى :كنت عايزة خدمة تانية.
المتصل :طلباتك كترت.
سلمى :ده من العشم.
المتصل :ماشي يا ستي قولي.
سلمي..................
في احدي الشركات الكبري بالاسكندرية......
عمر :اصحي يا عم وليد شكلك عجبتك النومة في مكتبي.
وليد بصوت يغلبه النوم :الصراحة الكنبة بتاعت مكتبك مريحة اوي.
دخل نور عليهم.
عمر بحماس :ها يا نور طمني عملت ايه؟
نور وهو ينظم أنفاسه :طب سيبني اخد نفسي الاول وبعدين اقولك.
عمر :انت محسسني انك جاي من الصومال.
نور :اتريق ياخويا اتريق ما لو كنت انت اللي عملت المشاوير دي مكنتش قولت الكلام ده.
عمر :يا عم انجز بقي؟
نور :روحت مديرية التربية والتعليم وكلمت شخص هناك وقولتله علي الفكرة و هو رحب بيها جدا وقالي حيعرضها علي الوزارة النهاردة قبل بكرة وان شاء الله حيوافقوا.
عمر :حلو اوي كده يبقي فاضل البروجرامات اللي حنعرضها على الشركة اللي متعاقدين معاها بره وشوية امور كده ونتعاون مع شركة السياحة بتاعت المحافظة بتاعتها و لما الوزارة توافق نبعت للشركة الخبر.
نور :مالك متأكد ان الشركة حتوافق و الوزارة حتوافق ما ممكن يرفضوا.
وليد :انت نسيت يابني ان دي معجزة ان عمر البحيري بجلالة قدره يعجب بفكرة لا وايه يتوقع كمان يبقي خلاص حط في بطنك بطيخة صيفي.
عمر :خلاص يخربيتك انا حولع وانا واقف بسببك.
وليد :عيون الحبايب ما بتحسدش.
عمر :طب روح انت واعمل اللي قولتلك عليه.
وليد :طيب.
خرج وليد من المكتب وترك نور وعمر.
نور :ناوي تعمل ايه؟
عمر :في ايه؟
نور : انت عارف قصدي كويس.
عمر وهو ينظر من زجاج مكتبه علي الشارع :متقلقش انا عمري ما حعمل حاجة تأذيها.
نور :انا عارف بس انا مش بتكلم عليك.
عمر :ولا حتي اللي في بالك.
نور :ربنا يستر.
سلمى :نرمين روحي شوفي تربيزة رقم 3 عايزة ايه وانا حشوف تربيزة رقم 5.
نرمين بخوف :خليها العكس علشان خاطري.
سلمى بتعجب :ليه يعني!
نرمين بقلق :الراجل اللي عليها عصبي اوي ومابيعجبوش العجب.
سلمى :طيب حروحله انا.
نرمين :اوبس ده نسيت اقولها انه...
سلمى :تحب تشرب ايه يا استاذ.
الرجل وهو ينظر لسلمى :باين عليكي جديدة يلا يا شاطرة شوفيلي راجل اتكلم معاه فين منير.
سلمى ببرود :منير اخد اجازة النهاردة وبعدين شوف حضرتك عايز ايه انا ممكن اساعدك انا بشتغل نفس وظيفته علي فكرة.
الرجل :قولتلك امشي من هنا يا شاطرة شكل المطعم عيل انا الغلطان اني جيت هنا.
قام الرجل من مجلسه وكان سيغادر حتي اوقفته سلمى :انت فعلاً غلطان انك جيت هنا بس علشان المكان ده بيقعد فيه الناس اللي بتراعي شعور اللي قدامها مش بتعاملهم زي اللي شرينهم ثم ايه علاقة سني بشغلي لعلمك الشغل مش عيب ولو كنت بتستعر من البنات اللي بتشتغل فدي مش مشكلتنا.
الرجل :وانت مين انتي بقي علشان تكلميني بالطريقة دي.
سلمى :معتقدش حتفرق معاك كتير.
الرجل :بالعكس دي حتفرق ياما انتي واحدة مش محترمة ولما تتكلمي مع زبون من زباين المكان كده يبقي تستحقي الرفد.
سلمى بخوف :ايه!!!
الرجل :احب اعرفك بنفسي انا عم صاحب المطعم ده وبما انك اتجرأتي وكلمتيني بالاسلوب ده يبقي لمي حاجتك و امشي من هنا بكرامتك.
سلمى بحزن حاولت أخفائه :انت فاكر اني كده حعتذرلك ولا كده بتقطع عيشي لعلمك صاحب الارزاق هو الله انت كده اثبت كل كلمة قولتهالك و اكتر اما من حيث الشغل فانا حمشي فعلاً لاني عندي كرامة يا استاذ وحسبي الله ونعم الوكيل.
تركته سلمي وذهبت تبدل ملابسها.
نرمين :انا آسفة يا سلمي انا السبب.
سلمى :متقوليش كده هو اللي كان لازم يعرف حدوده بس جت عليا انا سيبك ربنا العالم مش بينسي عباده وحيدبرها ان شاء الله .
أنت تقرأ
سأظل رغم الصعاب
Fanfictionالحقيقة انا اول مرة اكتب رواية واتشجع وانزلها فيارب تعجبكم دائماً ما تفاجئنا الاقدار بما لا تشتهيه قلوبنا ولكن حكمة الله في هذا الشئ تكون اكبر مما نظن واعظم مما نتخيل هكذا قصة سلمي ستفاجأها الحياة بما لا تحب ولا ما يتمناه بشر في الوجود ولكن هذا الش...
