في غرفة جميلة في الفندق...
جميلة :مالك يا سلمى؟
سلمى :مفيش.
جميلة :مفيش ازاي انا ملاحظة من ساعة ما عمر قالك امبارح بموضوع الحفلة اللي حنروحها النهاردة و انتي فيكي حاجة.
سلمى :لا هى كل الحكاية اني مش متعودة اروح حفلات زي دي يعني بذمتك حفلة تنكرية زي بتاعت النهاردة دي البس فيها ايه.
جميلة :يا بنتي اهو تغيير جو خلينا نجرب وبعدين احنا مش لوحدنا ده عمر ووليد حيكونوا معانا.
سلمى بصوت منخفض :ما هو ده اللي قلقني.
جميلة :بتقولي حاجة؟
سلمى :هه بقول ربنا يعدي الليلة دي على خير.
اثناء حديثهم طرق الباب فذهبت جميلة لتفتح.
في احدي الكافيهات...
زياد :اهدي يا ريم الحمد لله انها جت على اد كده.
ريم وهى تبكي :انا.. السبب... انا اللي قتلته.
زياد :وانتي ذنبك ايه؟ دي اخرت جرايمه اللي ارتكبها؟و الحمد لله اننا اخدنا موبايله و اللاب من اوضته.
ريم ببكاء :ده كان ع..عايز.. ي. يصورني.. فيديو.
زياد :متخافيش مفيش حاجة حصلت اهدي احنا دلوقتي لازم نفكر ازاي نقدر نفتح اللاب و الموبايل و ناخد الحاجات اللي جواهم.
ريم :طب ما ندوس اي حاجة تلات مرات ونخلي الموبايل واللاب يمسحوا كل اللي عليهم.
زياد :لا احنا لازم نفتحهم ممكن يكون عليهم حاجات مهمة.
ريم :حاجات ايه؟
زياد :بعدين حبقى اقولك بس عايز الاول اشوف طريقة افتحهم بيها.
أتى صوت من خلفه يلتف اتجاهه زياد.
رامي :انا أعرف شخص يقدر يساعدكم.
نظرت ريم لرامي بأعين دامعة و ما ان التقت اعينهم سوياً حتى اخفضت ريم عينها في ندم.
زياد :رامي انت مكانا منين؟
فلاش باك...
خرج رامي من غرفته متجهاً إلى غرفة ريم فيجدها فارغة وقبل أن يعود لغرفته يصطدم بساندي.
ساندي :مش تحاسب.
رامي :معلش يا ساندي انا أسف.
ساندي :لا انا مش عايزاك تعتذر انا عايزاك تلعب معايا.
رامي :معلش يا ساندي انا تعبان شوية.
ساندي بتحدي :بقى كده طيب انا حقول لماما انك دخلت اوضة ريم وهى مش موجودة فيها.
رامي :ساندي حبيبتي انا خبطت على الباب وملقتش حد رد فخوفت احسن يكون جرالها حاجة ففتحت الباب اشوف ايه اللي حصلها.
ساندي :ابقى قول الكلام ده لماما.
رامي :بقى كده يا ساندي ده انا كنت حجيبلك شنطة كبيرة مليان حلويات.
ساندي :وتلعب معايا؟
رامي :و حلعب معاكي بس قوليلي انتي عرفتي ازاي ان ريم مش في اوضتها.
ساندي :لا ده سر.
رامي :مش احنا صحاب برضو و مبتخبيش عليا حاجة.
ساندي :آه بس زياد قالي مقولش لحد.
رامي :زياد؟
ساندي ببرآة :عجبك كده اديك وقعتني في الكلام.
رامي :اممم وانا ميرضنيش تقعي في الكلام ببلاش انا حزودك في الشيكولاتات و تقعي في الكلام ايه رأيك.
ساندي :ماشي بس متقولش لحد.
ذهب رامي الي الحديقة بعد أن اخبرته ساندي و يستمع إلى كل ما قالته ريم لزياد.
نهاية الفلاش باك.
رامي :مش مهم المهم اني جيت علشان اساعدكم.
زياد :شخص مين ده اللي تعرفه.
رامي :في الطريق حقولك يلا بينا.
أنت تقرأ
سأظل رغم الصعاب
Fiksi Penggemarالحقيقة انا اول مرة اكتب رواية واتشجع وانزلها فيارب تعجبكم دائماً ما تفاجئنا الاقدار بما لا تشتهيه قلوبنا ولكن حكمة الله في هذا الشئ تكون اكبر مما نظن واعظم مما نتخيل هكذا قصة سلمي ستفاجأها الحياة بما لا تحب ولا ما يتمناه بشر في الوجود ولكن هذا الش...
