في شركة سالم....
طرقت سامية باب مكتب نور فأذن اليها بالدخول.
دخلت سامية وهى تحمل في يدها ملف مغلف باللون الأسود.
سامية :صباح الخير يا فندم.
نور :صباح النور يا سامية.
وضعت سامية الملف على مكتب نور قائلة :ده الملف اللي بثبت كل كلمة قولتها لحضرتك في التليفون.
امسك نور بالملف و اطلق نظرة على ما بداخله سريعاً ثم قال وهو ينظر لسامية :شكراً يا سامية انا مش عارف من غيرك كنت اكتشفت اللي بيحصل في الشركة من ورانا ازاي.
سامية :العفو يا فندم انا من واجبي اني لما اعرف حاجة زي كده كان لازم ابلغ حضراتكم علشان تلحقوا تتصرفوا انا حاولت اكلم عمر بيه و سالم بيه بس محدش رد عليا .
نور :حد عرف حاجة عن الموضوع ده.
سامية :لا يا فندم.
نور :تمام اوعي تقولي لحد و روحي باشري شغلك بشكل طبيعي ولا كأن حاجة حصلت.
سامية :حاضر يا فندم حضرتك عايز مني حاجة تاني.
نور :لا تقدري تتفضلي أه متنسيش تعدي على الحسابات علشان انا صرفتلك مكافأة.
سامية :حضرتك ملوش لزوم حضراتكم عليكم افضال كتير عليا انا قولت لحضرتك علشان انا عايزة ارد جزء و لو بسيط من افضالكم دي مش علشان مكافأة.
نور :انا مقدر شعورك الجميل ده،انا عارف انك مخلصة و انا بكافئك على اخلاصك ده و مش حقبل انك ترفضي مفهوم .
سامية بإبتسامة بسيطة :مفهوم يا فندم بعد اذنك.
بعدما تأكد نور من خروج سامية قال :اما اكلم نؤنؤ بقى و اطمن عليها.
في فيلا عمر....
كانت حبيبة تغطي في ثبات عميق..
حبيبة :مالك يا أحمد (زوج حبيبة) ؟
أحمد بارتباك :م..مفيش حاجة.
حبيبة وهى تضع يدها على يدها :مفيش ازاي انت فاكرني مش واخدة بالي انك متغير الفترة دي ايه حتخبي على حبيبتك برضو.
أحمد :انا مش عايز اشغلك معايا.
حبيبة :انت اللي بكده حتشغلني وتقلقني.
أحمد :انا بقالي فترة ملاحظ ان في حاجة غريبة بتحصل في المستشفى بس بكدب نفسي لحد النهاردة.
حبيبة :ايه اللي حصل.
أحمد :النهاردة كنت ماشي جنب اوضة دكتور زميلي و سمعت صوت غريب جاي من الاوضة قربت علشان افهم فيه ايه لقيت واحدة بتزعق في الدكتور و تقوله انها حتوديه في داهية و اتهمته انه سرق عضو من اعضاء بنتها اثناء قيامه بعملية جراحية ليها.
وضعت حبيبة يدها لتكتم شهقتها فاكمل أحمد :رد عليها بكل سخرية و استهزاء انه بينكر اصلا ان بنتها جت هنا و عملها عملية وانها ست كدابة فالست قالتله انها حتبلغ عنه و حتوديه في داهية قام رد عليها بكل برود انها مستحيل تثبت اصلاً ان بنتها عملت العملية هنا مش كده و بس ده هددها انه يلبسها مصيبة لو فتحت بوقها و انه حياخد اعضاء كل عيالها لما يخلص منها و يخليها تتحسر عليهم و من غير ما يسيب وراه دليل.
حبيبة بذهول :معقولة.... في حد بالقذارة دي؟ أحمد اللي زي ده مش لازم يتسكت عليه لازم تروح تقول لمدير المستشفى.
أحمد بأسى :هو ده اللي انا عملته و كنت في طريقي ليه بس وقفني ممرض قالي ان فيه مريض حالته وحشة و الدكتور المسئول عنه مش موجود دلوقتي، روحت و عملت اللازم معاه ولما اتأكدت انه حالته استقرت روحت على طول على مكتب المدير بس ملقتش السكرتيرة بتاعته فقولت ادخله على طول واعتذر و اكيد هو حيقدر لكن المفاجأة كانت ان الدكتور ده كان عنده.
أنت تقرأ
سأظل رغم الصعاب
Fiksi Penggemarالحقيقة انا اول مرة اكتب رواية واتشجع وانزلها فيارب تعجبكم دائماً ما تفاجئنا الاقدار بما لا تشتهيه قلوبنا ولكن حكمة الله في هذا الشئ تكون اكبر مما نظن واعظم مما نتخيل هكذا قصة سلمي ستفاجأها الحياة بما لا تحب ولا ما يتمناه بشر في الوجود ولكن هذا الش...
