சுடும் நிலவு சுடாத சூரியன் – 14
சம்யுகதா, சித்தார்த்தின் படத்தை வரைந்து அடையாளம் காண்பித்து, இன்றோடு மூன்று நாட்களாகி விட்டது. கையறு நிலையில் தான் இருப்பதாக மித்ரனுக்கு தோன்றியது. தயாளன், தினமும் வீட்டிற்கு வந்து சம்யுகதாவிடம் பேசி செல்கிறார். நாளுக்கு நாள் சம்யுவின் முகம் தெளிவடைந்து வந்து கொண்டிருந்தது. ஆனால், இன்னும் சசியுடனோ, அவனது பெற்றோர்களுடனோ ஒழுங்காக பேசுவதில்லை. முதலில் அவள் பேச மறுப்பதினால், கோபமடைந்த சசி, பின்னர் மித்ரனின் விளக்கத்தினால் தணிந்தான். அவளை தனியாக விட சொல்லி, மித்ரன் கேட்டதால் இரண்டு நாட்களாக அவன் வீட்டிற்கு வருவதில்ல
அகிலன் சொல்வது போல், இது தன் தங்கையில் கேஸாக இருப்பதால், ஒழுங்காக சிந்திக்க முடியவில்லையோ என யோசித்தான். இந்த கேஸில் இப்போது இருக்கும் ஒரே நம்பிக்கை ரவிகுமார் தான்.
ரவிகுமாரும் பார்ப்பதற்கு ஒல்லியாக கிராமத்துப் பையனாக தோன்றினாலும், உடலளவிலும், மனதளவிலும் மிகவும் உறுதியானவனாக இருந்தான். அவனை மூன்றாம் தர சித்ரவதைக்கு ஆட்படுத்தியும், சொன்னதையே திரும்ப, திரும்ப எந்த ஒரு மாற்றமும் இல்லாமல் சொல்லி கொண்டிருந்தான். சம்யுக்தாவை பணத்துக்காக கடத்தியதாக சொன்னான். கடத்தியவுடன் மித்ரனை நினைத்துப் பயந்து விட்டதாகவும், அதனால் தான் யாரையும் தொடர்பு கொள்ளவில்லை என்றும் சொன்னான்.
கூட்டாளிகள் என்று தனக்கு யாருமில்லை என்று சொன்னான். ரெட் ஐ20 காரில் வந்தது தற்செயலானது என்று சொன்னான். எல்லாமே தற்செயலாக நடந்ததாக அவன் சொன்னது நம்பும்படியாக இல்லை. அவளைக் கடத்தி வைத்திருந்த நாட்களில், அவனது செல்போனை உபயோகிக்கவே இல்லை.
ஆனால், சம்யுக்தாவை கடத்தியதற்கு, பணம் கண்டிப்பாக காரணம் இல்லை என்று தெளிவாக தெரிந்தது. அவளை கடத்தி கொண்டு போய் ஏன் சத்தியமங்கலத்தில் வைக்க வேண்டும்? ரவியை அங்கு கண்டு பிடிப்பதற்கான வாய்ப்பு மிக அதிகம் என்று தெரிந்தும், ஏன் அந்த இடம் தேர்வு செய்யபட்டது என்று யோசித்தான்.
YOU ARE READING
Completed - Sudum Nilavu Sudatha Suriyan
Romanceதிருமணத்திற்கு இரு நாட்கள் முன்பு கடத்தப்படும் தங்கையை காப்பாற்ற நினைக்கும் அண்ணனின் தேடல்
