#القفص
#روز_الفياض
#ح٢٣
.
.
.
وجنـت اخاف يصيرلي الصايرلي هـسة .
.
.
.
نزار:
ام محمد ردت احجي وياج بموضوع خاص شويه اذا تسمحين.
سميه:
اي اتفضل خير ان شاءالله.
نزار:
ان شاءالله خير.
ام محمد اني كايلج قبل اني عندي جنسيه كنديه وجنت عايش بكندا ولحد الان كل فتره اروح بس اشتاق للعراق وارجع هنا لان هنا احس نفسي قريب عالعراق.
ويسر بنتي بكندا تدرس هي مولوده وعايشه كل عمرها هناك لان امها الله يرحمها كنديه.
واني هناك عندي حياة واصدقاء وناس ومعارف.
سميه:
اكيد.
نزار:
من حجيتيلي قصتج والي سواه فارس وياج اني بصراحه وصيت ناس يسألون عنه بأمريكا ويجيبون اخباره.
سميه:
ليش؟
نزار:
سميه خل نحجي بصراحه ..
بعد الي سواه ويااج فارس اذا اتصل بيج واعتذر عاللي سواه وياج وويه اولادج وراد يرجعج تقبلين ترجعيله؟
فاجأني سؤاله ومفهمت المقصود منه :
طبعا لا الرجل الي يتخلى عن زوجته وجهاله بالغربه وميسأل عنهم وميفكر شنو ممكن يصير بيهم ووياهم ومتاخذه الغيره على عرضه ويقضي على الضمان الوحيد لمستقبل جهاله هذا شلون ارجعله ؟؟!!!!
حسبي الله عليه الي اخذه محسوب عليه حرام وممبري الذمه عليه ليوم الدين مو علمود الفلوس لا والله بس علمود كسرت ظهري وحاجتي للناس بسبب الي سواه بسبب جهالي الي مفكر بيهم وين يرحون لو رجعوا للعراق وين يسكنون ..
نزار:
تمام ..
بما انه انت هذا موقفج معناها اخبار فارس الي سمعتها هي كالتلي ..
هو مشتري بيت بفلوسج وفلوس اولادج ومتزوج هناك وحده لبنانيه ومخلصها شرب ودياحه حشاج.
انقهرت ودمعت عيوني وخنكتني العبره كلش ...
بهذلنه وعاش حياته ولا كأنه احنه موجودين الله ينتقم منك ..
كرامتي مسمحتلي اسمح لنفسي ابجي كدام نزار :
هو وربه الله ياخذ حقنه منه ان شاءالله.
نزار:
معناها ننتقل للخبر الثاني.
اتحسرت حيل وبلعت ريكي حتى ماابجي :
كول ..
نزار:
اني باشرت بتقديم اوراقكم حتى تطلعون لكندا.
فتحت عيوني وباوعتله :
صدك تحجي ؟؟
بدون متسألني؟
نزار:
سميه من كل عقلج اكو احد يحصل هيج فرصه ويرفض ؟؟
وكتلج لتخافين اني وياج مااخليج وهناك يسر واصدقائي ومعارفي واني يجوز هم ارجع لهناك بعد واستقرر يعني مو بحدكم.
سميه:
ام محمد.
نزار:
شنو؟
سميه:
اسمي ام محمد مو سميه.
صفن علي بعدين ابتسم :
صار ..
ام محمد.
بقيت ساكته بعدين كمت اريد ارجع لشغلي كلي:
ليش متطلكين منه؟
