#القفص
#روز_الفياض
#ح٥
.
.
.
" تَظاهرتُ بِأننَيّ لَمْ أشعُر بِشيءٍ وأنَّ جَميّعْ
الكَلِمات لَمْ تَثقُبْ قَلبيّ ، لَكِنها فَتّتهُ ."
.
.
.
مر اكثر من شهر على زواجنه وفارس طبعا كاعد عطال بطال بدون شغل ..
الليل كله بره يشرب يرجع سكران طينه والصبح كل نايم .
وشوكت مارجع لوعيه يريدني كون كاشخه ومتمكيجه وكاعده يمه.
وكلما احجي وياه بموضوع الشغل والوظيفه يزعل ويسوالي قصه.
اني حتى وره مااتزوجت ابوي مكطع عني المصرف بس جنت مااستفاد منه ينطينياه منا ياخذه فارس يشرب بي منا.
واذا اضم فلس بسكوت تجي عمتي تفتش الكنتور لحد
متلكاه وتاخذه .
واني بس اكرب اطبخ وانظف لفارس وخواته من ثاني يوم العرس واخاف احجي لو اعترض ..
عمتي لسانها لسان دلالة هي وبناتها جنت اتجنب اي شي ممكن يخليهن يحجن وخاف فارس يزعل مني ..
ذاك اليوم طلب من عندي فلوس وجان ماعندي فكتله ماعندي شو هذا ظل يغلط ويصيح ويفشر !!!
عمتي:
عليمن بعد تصيح مو انت اختاريتها ؟
مو انت لزكت وجلبت بيها ؟؟
كتلك متفيدك هاي موراها خير جلبت الا هي ...
عبالك تجيب فلوس ابوها وتخليهن بحضنك تصرف وتتصرف براحتك.
سميه:
عمه اني كل الي عندي انطيه اله مظامه عليه شي لو عندي مااقصر.
عمتي:
عابت لهالحلك لو عدها متقصر .
فارس:
كومي لج كومي دبريلي فلوس الشباب يتنظروني تأخرت عليهم ..
سميه:
ماعندي والله.
كل العندي انت اخذته ،.
دخل للغرفه وصاحلي دخلت وسديت الباب كال:
سمسمه حبيبتي ..
انطيني منج محبس او سوار ابيعه وامشي نفسي بيه ومن اشتغل والله اجيبلج احسن منه.
ظليت اباوعله متردده راسأ اجه ابالي كلام نجيه.
فارس:
شبيج انخرستي ؟
متحبيني ؟
معندج ثقه بيه ؟
السوار اغلى مني يعني؟
ملازم بس لاتزعلين اذا شفتلي وحده ثانيه.
من كلي هيج خفت :
لا لاتدلل نمونه السوار شلتله سوار وانطيته وحضنته :
ها حبيبي رضيت عني هسه ؟
باوعلي هز ايده بطريقه مفهمت معناها:
طبعا رضيت اني مااكدر ازعل منج انت حبيبتي وهذا الدليل💏 .
كام لبس ملابسه وطلع بدون لاسلام ولاكلام واني لبست وطلعت يم عمتي باوعتلي :
الكبر الخذه امج ماخذاج وياها.
باوعتلها انصدمت من حجيها :
ليش عمه تحجين هيج ؟
عمتي:
شفايدتج المن ماخذج بس للنوم ما وراج لافلس ولا فايده ..
سميه :
تره فارس اتزوجني لان يحبني مو علمود الفلوس ..
فريت ايدها وغمتني ودارت وجهها :
هم عاجبتها روحها ..
يحبها عشتوا ..
