#القفص
#روز_الفياض
#ح٢٦
.
.
.
أنتِ حَاجَة أنتِيكا في زَحمة الأشياء العادية .
.
.
.
ظليت محتاره ومتردده ..
اخر شي كلت لامي نجيه تستخيرلي اني اخاف من اصلي استخاره متطلع مضبوطه لان افكر ومحتاره ويمكن نيتي مصافيه ..
وفعلا صلت استخاره وثاني يوم الفجر كعدت للصلاة وكعدتني وياها ..
نجيه:
سميه ..
سميه ..
سميه :
همم ..
نجيه :
كعدي ماما ..
كعدي خل احجي وياج شويه.
كعدت وصليت بعدين كمت سويت ريوك الي ولنجيه لان اعرفها بعد متكدر ترجع تنام ..
واني هم طار النوم من عيني وبعد متسوه ارجع انام .
نجيه :
الفجر كعدت للصلاه وكلت خل اكعدج قبل لاانسى الحلم الي حلمته.
سميه:
حلميش؟
نجيه:
حلمت عندي طير ..
بس طير حلو وكله الوان وكاعد يغرد بقفص بس هذا القفص مهتري وتعبان ..
والناس الرايج والجاي يباوعون عليه ..
يباوعون عليه باعجاب ، ومبهورين بي ..
فتحتله باب القفص حتى اطيره ..بس مقبل ..
مقبل يطير متعود على هالقفص .
سميه:
ياستار.
نجيه:
اي والله .. بس بعدين اجه واحد كلي حجيه هذا الطير الي ..
كتله بس هذا مو للبيع ، هذا ماله ثمن ..
كلي مثل مااكولج هذا الطير الي ..
اني اريده ..
سميه:
ايي؟؟
نجيه:
كتله هذا الطير صارله سنين محبوس بهالقفص يخاف يطلع ، اذا كدرت تطلعه هو الك ومااريد منك فلوس ..
فأجه واتدنه عالقفص وفتح الباب وبس فتحه طلع الطير وطار ورجع كعد على جتفه ..
سميه :
اي ؟
نجيه :
وفزيت على صوت الاذان ..
سميه:
شنو معناه هالحلم؟
نجيه:
ماادري والله بس اني اكول هالطير انت..
سميه :
اني !!!
نجيه :
اي .. والقفص التعبان المزنجر فارس ، وهالرجال الكعدتي على جتفه نزار.
سميه:
ههههه خوش تفسير هههههه .
نجيه:
اي والله شبيج ..
سميه :
ترديني اقبل كوه مو ههههه .
نجيه :
لا والله انت تعرفيني اريد مصلحتج مثل محذرتج من فارس قبل وكتلج مو زين وطلع كلامي صحيح هسه اكولج نزار يسوه فارس وعشيرته ..
نزار رجال شايف وعايف مو مثل فارس استغلج وصعد على جتافج ..
نزار اجه بالوقت الي انت ماعندج اي شي حتى يطمع بي بس مصر عليج لان رايدج الج انت واولادج وين تلكين هيجي واحد ؟؟
ظليت طول اليوم افكر بحلم امي نجيه وكلامها ..
بس شلون اطلع من قفص وادخل بفقص ثاني ؟!!!
والله حيره ..
