#القفص
#روز_الفياض
#ح٣
.
.
.
-بعدك ولاجاي اعرف اهوى ..
انه وفي مو انت تسوه ...
.
.
.
رجعني فارس لبيت اهلي وراح ..
امي نجيه جانت كاعده تدرس حسن من شافتني دخلت اشرتلي تعاي .
سميه :
نعم ماما؟
نجيه :
تأخرتوا؟
سميه :
لا من السوك للبيت مرحنه لاي لمكان ..
نجيه :
وحجيتي وياه؟
سميه :
اي وكال لا ميشرب لان الشرب حرام ..
نجيه :
ها !!!
اي يجوز ..
الله اعلم نصبر ونشوف اذا يشرب لو لا؟
سميه :
زين ليش متسألين بابا؟
نجيه :
وهو ابوج يتحاجه ؟؟
متشوفينه ميلكيني وجه واربعه وعشرين ساعه يصيح ..
ليش اني اريدج تعرفين فارس خاف يشرب حتى اذا يشرب تفسخين الخطبه مااريدج تصيرين مثلي ومثل امج الله يرحمها ..
سميه :
ان شاءالله ..
رحت لغرفتي خواتي نايمات بدلت ونمت بفراشي وظليت اتذكر فارس شلون يبوسني ..
اتذكر وابتسم شعور حلو محاسه بي من قبل الله ..
يمكن هو هذا الحب ؟؟
.
معناها احبه اي احبه مدام حسيت بهيج مشاعر شكد حلو حبيبي فارس ..
فارس واسمه عليه ..
بليتها منمت للصبح اتذكر الي صار وابتسم واتمنى لو اكدر اخذ التليفون من غرفة ابوي واحجي وياه ..
مر يومين وفارس مختفي لا يخابر ولايجي ولايسأل .
حسيت اشتاقيتله اتمنى يجي ونطلع ..
بس ماكو مبين ولا سأل .
قررت اني اتصل عليه دكيت جاوبت عمتي كالت طالع.
بالليل ابوي جان يخابر شاغل التليفون واني كاعده على نار خاف يتصل فارس ..
خلص ابوي اتصال وراح ينام ونسى مادخل التليفون وياه لغرفته.
ركضت للتليفون دخلته للديوانيه وسديت الباب بعدما تأكدت الكل ناموا.
اتصلت على بيت عمتي على كيف ولو هو تليفونه جان فضيحه ابو القرص لازم تفر الرقم للاخير ويرجع يفتر وحده وصوته كارثه ..
المهم اتصلت طلعلي فارس كتله:
الو؟
فارس :
الو منو؟
سميه:
اني سميه؟
فارس:
هلو سمسمه شلونج ؟
مشتاقلج ..
سميه :
لعد ليش متسأل عني ؟ومختفي صار كم يوم؟
فارس :
يعني افتقدتيني؟
سميه :
اي
فارس :
اكلج خالي ومرته وين؟
سميه :
كولهم ناموا بس اني كاعده اخذت التليفون وكعدت بالديوانيه حتى لحد يسمعني.
فارس :
هاا خوش ,.
زين اكول اني مشتاقلج حيل راح اجي اشوفج .
