Grim's Bloodline [COMPLETED]

Chapter II

~•~

Hindi pa man ako nakakapasok sa bahay na 'to, feeling ko ang ganda ng loob nito. Hindi ko din maiikailang mayaman ang may-ari nito dahil sa dami ng katulong at sa lawak ng lugar na sakop niyon.

Napabaling ang tingin ko sa isang malawak na garden sa gilid ng bahay di kalayuan. Napakaganda ng mga bulaklak na sumasalubong sa sinumang papasok doon, at napakapayapa roon.

"Ma'am? Welcome." ang bati sa akin ng isang babaeng may katandaan na at magara ang kasuotan kumpara sa ibang mga katulong. Nginitian ko siya bago inabot ang kamay nitong nais makipagkilala.

"Napakagandang babae." saad ng matanda. Ano ba naman 'tong si manang nambola pa.

Ngumiti ulit ako. Humble ako eh.

Tinitigan niya ako nang nakangiti at may kasiyahan sa mga mata bago niya ako iminuwestra papasok sa mansyon. Doon lalo akong namangha. Ang laki nito at ang elegante. Halatang mamahalin ang mga gamit dito kahit simple lamang. Dumako ang paningin ko sa hagdan na nasa pagitan ng salas at kusina. Ang laki rin nito. Pwede ditong mag-photoshoot. Napunta naman ang mga mata ko sa sala. Dirty white ang tema ng sala. Simple pero napakaganda ng ayos nito. Nababagay sa kulay kremang pader ng bahay.

"Hija, nasa taas ang kwarto mo, maaari kitang ipahatid doon at ang mga gamit mo para makapagpahinga ka ng kaunti." sabi ni manang sa akin. May kwarto ako dito? Agad?

He really prepared everything before I came. Pero nasaan na nga ba siya?

Ngumiti ako kay manang bago niya tinawag ang ilang katulong para tulungan ako sa gamit kong hindi naman marami.

Pagkarating ko sa kwarto na sinasabi niya ay namangha ako. Halos malaglag ang panga ko sa nakikita ko. Ang laki ng kwarto at mukhang pang-prinsesa dahil sa itsura ng interior nito, maging ang wallpaper ng kwarto. Para akong nasa ibang bansa.

I placed my things on the bed. Hindi naman ito marami at wala rin naman akong balak magtagal rito. Hindi ko alam kung bakit nga ba ako naririto. In fact, wala naman dito ang pakay ko.

Nahiga ako sa malambot na kama at saka napatitig sa puting kisame nang may kumatok sa pintuan.

Tumayo ako para buksan ito pero hindi pa ako nakakalapit nang magbukas ito.

"Oh. You're here already."

Napatitig ako sa matamlay nitong mata bago tumango. Umalis din ito agad at sumunod naman ako. Bitbit ko ang bag ko habang nakasunod sa matipunong lalaking nasa harapan ko na nakabihis pormal.

Nang makababa sa hagdan ay humarap ito sa akin, then he gave me a slight smile.

"I will be your personal assistant slash guardian, Miss Monteliola." pagpapakilala nito at yumuko sa harapan ko. Napauwang ang labi ko sa sinabi niya.

Siya?

Siya yung kausap ko last night? Parang hindi naman. Sa pagkakatanda ko, ang kausap ko kagabi ay maingay, madaldal at mayabang. Nasan na?

Nakatitig lang siya sa akin nang ngumiti ulit ito. This time, it's a grin. Maybe a devious one?

"What?"