وكالعادة رجعنا للبيت ونفس الروتين دخلت للبيت لكيت امي تعزل بالهول واخوتي ديقرون
غرام: السلام عليكم
امي واخوتي: وعليكم السلام
غرام: يمة غدة حبابة حيل جوعانة
امي: دبدلي بين ما اصبلج غدة
غرام: اي زين رايحة ابدل
بدلت وتغديت دخلت لغرفتي ارتاح شوية وبعدين ادرس اتصلت بريهام شوية سولفنا وكعدت اقرة صار المغرب نزلت وية امي للمطبخ نسوي عشا اتعشينا كلنا وبعدها راجعت لاخوتي واجباتهم وكلمن راح الغرفتة ثاني يوم هم كالعادة رحت للدوام
امير: دلال ساعة ب 12 اليوم اجيج للقسم حتى اخذج ونطلع معزوم ع عرس صديقي ويريدني اروحلة من وكت
دلال: هسة لو تخليلي خط واخلص مرتبطة بيك ومحاضراتي نصهن دا اضربهن من وراك
امير: هههه الله كريم هسة يلة روحي
دلال: ماشي رايحة بيباي
امير: بيباي
صدك نسيت اعرفكم بنفسي اسمي امير طالب مرحلة ثالثة عمري 24 سنة تركت الدراسة 3 سنوات بعدين رجعت اسكن منطقة الكاظمية عندي اخت وحدة دلال واخ واحد اكبر من عدنا اني ودلال اسمة علي متزوج وطالع بيت وحدة اني وامي واختي كاعدين ابيت ملك ابوية الله يرحمة وحالتنا ميسورة امي عدها راتب ابوية واني بعد الدوام اشتغل بسوبر ماركت وعايشين والحمد لله
غرام: طبينا للكلية اني وريهام واشوف امير كبالي شلون مصباح هففف
ريهام: شكلتي ولج
غرام: مو وياج يلة امشي
ريهام: ماشي مشينا
غرام: صارت ساعة 11:45 البنات طلعت واني بقيت بالقاعة طلعت دلال ومارلين وريهام يتمشون بالكلية بوقت الريست
مارلين: يلة غرام متجين ويانة لعد
غرام: تعبانة انتو روحو اريد اراجع شوية
دلال: اني شوية ويجيني امير واطلع ترة
مارلين وريهام: ماشي هسة بس امشي خليها هاي المعقدة كاعدة وحدها
طلعوا البنات وبقيت وحدي بالقاعة كاعدة ما اشوف ألة حركة بالقاعة رفعت راسي
امير: السلام عليكم لعد وين اختي
غرام: طلعت وية البنات
امير: ها زين لعد انتي ليش مطلعتي وياهم
غرام: بلة انت شعليك اطلع ما اطلع شكو تدخل
امير: ديلة عيني شكلنالج هسة وين الكة اختي
غرام: مو كتلك طلعت وية البنات دا احجي هندي اني
امير: انتي شكد وكحة والسانج طويل بلة شسمج انتي
غرام: وانت شكد متطفل وشعليك بأسمي
امير: لا دا اكول لان انتي يلوكلج اسم فتحية حمدية ع هذا السانج
غرام: لا والله عيني اني اسمي غرام
امير: ههههه المفروض يسموج اجرام صخام
غرام: وانت المفروض يسموك فطير مو امير
امير: ههههه اي والله اني صدك فطير يلة جاو
غرام: جاوات.. بس ولي من شكلي شكد لزكة ههههه بس محبوب لا شنو محبوب خلي يولي شنو يكولي صخام
وكالعادة خلص الدوام وكلمن راح لبيتة بدت امتحانات نصف السنة وامتحنا كعدنا بالعطلة الربيعية يومية نتخابر اني وريهام لحد ما خلصت العطلة رجعنا للدوام
دلال: ياهلا بالصبايا شلونكم مشتاقتلكم
ريهام: هلو عمري اني اشوق والله شلونج
دلال: الحمد لله بخير تعالوا نكعد
غرام: راح تعوفين اخوج وتكعدين يمنا
دلال: اكو مانع اذا كتلة يكعد ويانة لان هو اليوم وحيد مروان ممداوم هههه
ريهام: اي عادي
غرام: حجيت بصوت ناصي وية ريهام صخام الصخمج شنو تخلين الولد يكعد ويانة
ريهام: اوي وشنو يعني شبيج وية الولد والله حباب
غرام: اي عيني حباب كلش
امير: مرحبا صبايا شلونكم
اني وريهام: مراحب
امير: شلونج ست غرام
غرام: الحمد لله زينة
امير: هههههه ممكن اخذ من وقتج دقايق
غرام: استغربت من طلبة بس وافقت كمنا شوية من يم البنات اتمشينا شوية وكف
امير: آنسة صخام ممكن اطلب منج طلب
غرام: نعم!! جايبني مناك ليجاي حتى تكولي آنسة صخام وبعدين طلبك مرفوض اني ما احب هاي السوالف وجاية ادرس وبس وعيبك عليك هيج تسوي وياية مهما يكون اني صديقة اختك
امير: نعم شكو شبيج نزلتي علية هو اني شحجيت
غرام: سيد فطير اني اعرف دروب هاي الشباب ومتعبر علية
امير: يادروب ولج
غرام: لتكولج ولج يعني عادي مثل كل مرة راح تكولي اطلب منج نكون اصدقاء وانتي عجبتيني واني حبيتج وارتاحيتلج وانطيني رقمج
امير: هههههه عليج الله لج شنو هالافكار هاي منو كلج اني معجب بيج اصلآ اكرهج واكره اسلوبج
غرام: ها شنو لعد انت شتريد تكول وبعدين تكرهني متكرهني اني ميخصني واني هم اكرهك تفضل كول شنو طلبك
امير: اوووف حبيت اعرف اذا عندج خط يوصلج ويجيبج وكون ثقة لان اني اطلع من وكت واختي مرتبطة وياية ومرات تضرب محاضراتها كلت اذا عندج خط خلوها وياكم انتي وريهام أأمن عليها اكثر وشكد ميريد اني حاضر لان احنة بيتنا بالكاضمية
غرام: ها اي عدنا خط عود احجيلك وية ابو الخط يلة باي
امير: ههههه شكد عقلها فارغ عبالها اني خفيف وادور هيج سوالف
