ريهام: الحمد لله بس اريد احجي وياج بموضوع
غرام: خير ان شاء الله صاير شي
ريهام: لا بس اريد نطلع اني وياج فد طلعة نكعد سوة ونحجي
غرام: امممم ماشي بس شوكت
ريهام: تكدرين باجر
غرام: باجر ماكدر مشغولة
ريهام: اوكي عكب باجر
غرام: ان شاء الله بس موضوعج ميصير تحجين بي بالموبايل
ريهام: لا الموضوع شوية حساس يرادلة كعدة واني هم مشتاقتلج اريد اشوفج
غرام: اني هم مشتاقة لشوفتج حبيبتي
ريهام: خلص لعد عكب باجر اشوفج ان شاء الله
غرام: ان شاء الله يلة حبيبتي سلميلي ع مروان والاهل
ريهام: الله يسلمج عمري
يلة مع السلامة
مروان خابر امير وكلة عكب باجر راح تجي تكول باجر ماكدر مشغولة
مروان: اي ماشي هسة اخابرة
الو ها امير شلونك
امير: هلا مروان ها بشر
مروان: عكب باجر موعدك وياها
امير: ماشي حبيبي تعبتكم وياية مشكورين
سلملي ع ريهام
مروان: تعبك راحة يمعود
يوصل الله يسلمك
غرام: صار ثاني يوم اجة بشار جايب وياه نفس السيد العقدلنا حتى يطلكنا
واتطلكنا شرعآ بس قانونآ بعدنا
بشار: انطيتج حريتج والله يوفقج اريدج تسامحيني ع الاذية ألي سببتها الج راح تبقين بنت عمي وجزء مني حقوقج كلها راح توصلج من امشي بأجراءات الطلاك مال محكمة
غرام: مسامحتك والله يوفقك واتمنالك السعادة زين سويت لان مدفنت نفسك بالحياة واختاريت تعيش مرتاح انسى الفات وابدي من جديد وسلملي ع رقية هواي هواي
بشار: يوصل الله يسلمج
عمة اسلام سامحوني اني اعترف غلطت بحق غرام واتمنى تسامحوني
اسلام وامي: مسامحيك والله يوفقك
بشار: الاسبوع الجاي خطوبتي اني ورقية راح اسويها سنطة مجرد عقد وتلبيس حلقات اتمنى تجون
غرام: الله كريم اذا كدرنا نجي عود
بشار: يلة مع السلامة واتمنى الايام الجاية تكون احلى بالنسبة الج
غرام: اشكرك
بشار: يلة اني استأذن مع السلامة
الجميع: الله وياك
غرام: ارتاحيت هسة كدرت اتنفس واعيش حرة
امي: هاهية مادام ارتاحيتي احنة هم نرتاح لراحتج الله يوفقج يمة ويبعثلج ابن الحلال ألي يسعدج
