امير: مروان شدتحجي انت متأكد من هذا كلامك وين هسة هي
مروان: امير ع كيفك اني وريهام هسة راح نروح للمستشفى نشوفها ونطمنك عليها
امير: لا اني اروح
هسة رايحلها اريد اشوفها
مروان: امير الله يخليك استر علينا لتسويلك مشكلة هسة راح نروح اني وريهام ونطمنك عليها وبعدين هسة هي حالتها مستقرة ومابيها شي
امير: لا مروان انت شتحجي اني لازم اروح
مروان: لعد اني راح امر عليك واخذك انتظرني
امير: يلة بسرعة منتظرك
مروان: ماشي بس اجيب ريهام واجيك
امير: اجة علية مروان وريهام رحنا للمستشفى وصلنا سألنا عليها كالولنا بالطابق الثاني مروان مخلاني اصعد وياه خاف زوجها وابوها يشوفوني...
مروان: امير انت ابقى اهنا خاف اهلها يشوفوك ويسوولنا مشكلة وانت متتحمل وعيب احنة بمستشفى
امير: شلون لعد ابقى اهنا لعد المن اجيت لازم اشوفها وشيصير يصير
مروان: دنتظرنا اهنا ياحبيبي اذا ماكو احد ادك عليك واصعد شوفها
ريهام: لتخاف اني اضبطلك الموضوع بس انتظر هسة
امير: يلة ماشي انتظركم بس مو تتأخرون علية
مروان: صعدنا اني وريهام رحنا للغرفة ألي موجودة بيها غرام لكينا امها يمها توكلها سلمنا عليها وتحمدنالها بالسلامة
ريهام: حبيبتي غرام شجاج ليش هيج تسوين بنفسج
غرام: ولج شجابج منو كلج اني بالمستشفى
ريهام: مو مهم هسة منو كلي المهم اريد اكولج شي
غرام: تعالي اكعدي وكليلي
ريهام: امير جوة يريد يشوفج
امي: يااا امير جوة شجابة لا خالة رهومة كليلة خلي يروح ليجي رجلها وابوها يسوولنا مشكلة مابية حيل المشاكل بعد
مروان: خالة فدوة لعينج لتحرمي من شوفتها هاي اخر مرة راح يشوفها بيها
غرام: ليش شجابة ليش خليتوا يجي
مروان: خلي يجي يشوفج وهو يكولج
ليش ابوج وزوجج وين
غرام: ماعرف يمة وينهم
امي: راحوا للشركة يستلمون البضاعة الجديدة ويجون
غرام: ماشي خلي يجي صيحولة
امي: لج يمة تخبلتي انتي شجاج ميصير هيج تتصرفين
ريهام: خالة الله يخليج بس هالمرة خلي يشوفها سهليلها امر بس يطمئن عليها ويروح اتأكدي مراح يصير شي
امي: يلة بس بسرعة مو يتأخر ليجون بشار واحسان ويشوفوا وتصير مشكلة
مروان: اني رايح ابلغة
