غرام: رفعت راسي مصدكت نفسي امير واكف كبالي
نزلت دموعي ظل يفرك براسة صعد سيارتة وراح كلبي راح وياه
صعدني بشار بالسيارة وهو صعد بصفي رحنا للقاعة وبالي وفكري كلة يم امير ياريتك انت بمكان بشار بس شسوي للنصيب
وصلنا للقاعة بدت مراسيم الحفل دك وركص والكل فرحانة بس اني مسلوبة فرحتي المفروض اني اكثر وحدة افرح بهذا اليوم بس شسوي
ريهام: حبيبتي غرام كومي خلي نطكلكم صور
غرام: مالي خلك والله
ريهام: اضحكي شوية ع الاقل ع كد الصور ليش عابسة
غرام: الله يخليج ريهام مالي خلك سوالفج هسة
ريهام: اوكي اوكي براحتج
امير: رحت شفتها وياريتني مشفتها ملكة جمال طالعة تمنيت بهذا اليوم اني سيد الحفل تمنيت اني اخذها بأيدي كدام كل العالم دكيت ع مروان
امير: مروان شلونك خوية
مروان: يا هلا بأموري ها حبيبي شخبارك
امير: محتاجك مروان تعال علية هسة
مروان: اوووف منك هسة جايك انتظرني
امير: تعال للبيت اني مو بالسوبر ماركت رجعت للبيت
مروان: ماشي جايك
غرام: يمة شوكت تخلص هالحفلة الكشرة اريد ارجع تعبت
امي: ولج يمة لحد يسمعج شنو هالحجي هي ساعتين وترحين لبيتج
غرام: لتكولين بيتج بعمرة مراح يصير بيتي
امي: كافي غرام صوتج لحد يسمعج عيب من العالم
غرام: اووووف شوكت الله يخلصني
امير: اجة مروان بعد مادكيت عليه وبديت اشكيلة واسولفلة عن همي وحزني خصوصآ بهذا اليوم
مروان: دكيت الجرس طلعلي امير..
السلام عليكم شلونك امير عساك بخير
امير: هلا خوية مروان حياك اتفضل
مروان: زاد فضلك
امير: يمة كلاصين جاي فدوة لطولج
ام علي: صار يمة تدلل
مروان: ها عمي شبيك سولفلي
امير: رحت شفتها مروان كلبي محروك ضاعت بعد كل حبال الوصل انتهت
مروان: ليش رحت حتى يزيد همك
امير: طالعة ملاك بالعافية ع بشار خوش سلبها مني
حب حياتي اليوم زفتها صارت لغيري مستحيل اتخيل تعيش وياه تحت سقف واحد وتصيرلة زوجة وتأدي واجباتها حالها حال اي زوجة
مروان: يا اخي شوف حالك شصاير بيك كافي امير انسى عيش حياتك البنية اتزوجت بعد
امير: ما اوعدك انساها بس راح ابتعد الاثنين راح اسافر مبقى غير 3 ايام واودع كلشي حلو عشتة بهذا المكان
