غرام: خلص الدوام اجة علية بشار حتى يرجعني للبيت
بشار: هلو غرومة
غرام: هلو بشار
بشار: كتلة لعمي اليوم اخذ غرام بعد الدوام ونروح نتغدة بفد مطعم راقي شنو رأيج
غرام: خليها غير مرة اني تعبانة
بشار: صرت عصبي عليها ادري بيها تحبة لأمير ومتكدر تنساه غرام يمي عبارة عن جثة مابيها اي روح
...ها يعني لو الاستاذ امير عازمج مجان رحتي وياه
غرام: انصدمت بكلامة بس كل ألي يكولة صحيح اتمنى الي كاعد بصفي امير اتمنى الف العالم كلة وياه اكتفيت بالصمت وبنظرة حقد لبشار
بشار: اسف مجان قصدي بس لازم تتأقلمين وية الوضع الجديد اني اليوم خطيبج ومباقي شي وتتخرجين ونتزوج كلما حاولتي تتناسين وتتأقلمين كلما اختصرتي المسافة ألي تمحي حزنج
غرام: هههاااي خطيبي ديعلمني شلون انسى حبيبي السابق لك انت لو عندك كرامة جان متقبلتني جان تركتني جان كرهتني عجيب انت شنو من نفسية وشنو من قابلية عندك بحيث تقبلت تغصب بنت عمك ع الزواج منك وهي بالها وكلبها يم واحد غيرك
بشار: بعد الكلام ألي سمعتة من غرام حسيت بأهانة لكرامتي متحملت كلامها ضربتها راجدي بدون ما اناقشها بأي ش
غرام: يا حقير شلون تمد ايدك علية نزلني بسرعة ماريد اشوف خلقتك لك اني اكرهك اموت منك عوفني
بشار: هذا السانج الطويل ألة اكصة فد يوم وعناد بيج ماعوفج وخلي يكون بعلمج راح اتفق وية عمي الاسبوع الجاي عرسنا واريد اشوف شنو تكدرين تسوين لج انتي صدك صلفة كدامي تحجين بالنذل والله لا اشوفج نجوم الضهر ادبسز
غرام: تحلم تلمس شعرة مني وكف السيارة وخليني انزل وماريد اشوف خلقتك بعد واريد اشوف منو راح تاخذك اموت نفسي وما اقبل بواحد مثلك بلا احساس وكرامة
بشار: وكفت السيارة استفزتني بكلمة تحلم تلمس شعرة مني نزلتها من السيارة وكفت كبالها بمكان هادئ مابي احد ظلت متفاجئة هي متعرف ليش نزلتها لزمتها من خصرها وبستها حيل دفعتني ع السيارة وركضت
غرام: نزلني من السيارة وكف كبالي صفن علية شوية اتقرب علية لزمني من خصري وباسني بكل قوتة دفعتة وركضت ودمعتي بعيني
بشار: اوكفي غرام مو دا احجي وياج
غرام: ابتعد عن طريقي وألي سويتة اليوم اتأكد راح اوصلة لأبوية
بشار: لزمتها من ايدها وفريتها علية
... اي وشتكوليلة بلة زوجي باسني وشراح يكولج هو لج انتي ع ذمتي يعني شسويلج حلال ومحد يكدر يحاجيني ومرة ثانية لتتعدين حدودج وياية وتتحديني وتكليلي متكدر تلمس شعرة مني
غرام: لك انت صدك انسان حقير وتافه ومنحط وخر مني شنو انت لزكة ماريدك بابة روح شوف غيري اني احب امير ومستحيل راح اكدر اتقبلك بحياتي
