بدلت ملابسي وغسلت وجهي من المكياج ورحت يم امي بالمطبخ تحضر بالاكل وهي تسألني شلونج بالدراسة
غرام: والله يا امي الحمد لله بس تعب دك محاضرات
امي: ميخالف بنتي اذا تردين توصلين لهدفج لازم تتعبين
غرام: امي انتي مو خريجة علوم سياسية ودرستي وتعبتي شحصلتي من دراستج
امي: اني قبلت بقسمتي وابوج شرط علية ما اتعين واتفرغ الة وللبيت واني قبلت لان احبة.
طبعآ ابوية يصير ابن عمها لامي وابوية صاحب شركة تجارية استيراد وتصدير وكلش شاطر بشغلة
غرام: صح يمة بس تعبتي وعفتي كلشي بنيتي بسبب الحب شنو فايدة هالحب
امي: بالعكس اني من تزوجت ابوج عشت احلى سنين حياتي ومحتاجيت للوظيفة وصرتوا انتو عندي هاي كافي تسوة عندي الدنيا ومابيها.
واحنة نسولف دخل ابوية
ابوية: السلام عليكم ياجماعة
اني وامي: وعليكم السلام الله يساعدك
ابوية: ويساعدكم
امي: احسان بدل وتعال راح نحط الغدة
ابوية: والله يا اسماء ماعرف شكلج حيل جوعان والاكل ريحتة تشهي هسة جاي حبي
امي خجلت من كاللها ابوية حبي كدامي ودنكت راسها وابتسمت
غرام: هههه شو ابوية يغازلج كدامي عمي والله انتو بلابل
امي: ولج كافي اسكتي
غرام: احم صار
اجوي اخوتي وكعدنا ع الغدة وخلصنا فتت ادرس طبعآ اول شي لازم ازور جهازي خاف احد داك علية دازلي رسالة ومادري فتحت الجهاز ماكو لا مكالمة لا رسالة كعدت اقرة مر اليوم بسرعة محسيت بي صار الليل اتعشيت ودخلت لغرفتي وحجيت وية ريهام شوية بخصوص الامتحان بعدين نمت صار ثاني يوم والي هو اليوم الموعود صار بي حدث غريب من نوعة
غرام: كعدت الصبح حضرت نفسي طلعت من الغرفة لكيت امي وابوية واخواني يتريكون رحت كلتلهم صباح الخير كعدت اكلت بسرعة سلمت وطلعت لجامعتي وصلت للجامعة واني فاتحة الملزمة واراجع للأمتحان ودايخة خاف مااجاوب لان الاستاذ حيل عقدة ومتشدد واسئلتة صعبة المهم دخلت باب الجامعة واني ملتهية راسي بالملزمة واكو اثنين طلاب واكفين ومنتجين ع سيارة واحد منهم ماد رجليه ليكدام واني راسي بالملزمة ما اشوف إلة عثرت برجلة وكعت الملزمة واني ردت اوكع بس لزمني صديقة ألي بصفة
غرام: بكلبي يبووو ع الفشلة من الصبح احم وخر انت شلون تلزمني متستحي
امير: ردتي توكعين فوكاها هاي مو صوجج
غرام: اسفة بس هذا صديقك ماد رجلة واني منتبهت وبعدين حتى اذا اوكع شعليك انت هذا ميعني تجي تلزمني خوش
امير: شفت استاذ مروان الرزالة من وراك الف مرة كتلك لتوكف هاي الوكفة
مروان: يلة عيني احنة اسفين شسوينالج فوكاها.
ناس متستحي عفتهم يضحكون ع الموقف ومشيت خجلانة شكد عيب
مشيت لكيت ريهام ومارلين كبالي كاعدات ويراجعن
غرام: صباح الخير
ريهام ومارلين: صباح النور شبيج تتناهدين وترجفين
غرام: ساعة السودة شلون مصباح عثرت برجل طالب من الطلاب وردت اوكع واحد منهم لزمني وتعاركت وياه
ريهام: هههههههه شكد ثولة لعد
غرام: اسكتي ولج اني غير ملتهية اراجع هو واكف اعوج
مارلين: هههه دعوفوا هاي السالفة خلونا بالمهم
ريهام: لا بربج مارلين دقيقة اكولج غرام هذا منو تعيس الحظ ألي تعاركتي وياه
غرام: شمدريني ولد شايفتة بالكلية اعتقد مرحلة ثالثة يلبس كلة اسود عندة عضلات ابيضاني
ريهام: بس لا قصدج ع امير معتز
غرام: ومنين تعرفين امير معتز
ريهام: لج بابة غير اختة صديقتي دلال معتز ألي بشعبتنا والولد بيني وبينة سلام
مارلين: كافي دوختني خلي نراجع عاد
ريهام: يلة راجعي شكد عقدة بس تقرين
غرام: ولج هاي فوك متفهمج هههه
مارلين: عوفيها غرام هاي خبلة..
صار وقت الامتحان ودخلنا نمتحن وامتحنا وطلعنا بس الحمد لله جاوبت وراها رحنا للكافتريا وشفت امير مثل مكالتلي ريهام عرفت اسمة امير معتز المهم خجلت وبنفس الوقت ضجت من تصرفة وياية كلتلهن للبنات عزة هذا امير كاعد كبالي شكد كرهتة
ريهام: وشنو يعني
مارلين: دكعدي عاد واذا كاعد كبالج
غرام: ولجن تكومن وياية نروح لغير مكان لو اروح وحدي
ريهام ومارلين: اهوووو طنكرت بعد
غرام: شو بلة خلي اكعد بمكانج مارلين حتى ميشوفني انطي ضهري
مارلين: يلة تعاي فضيها
بس هو كاعد وية دلال اختة وصديقة مروان دلال اختة ابنية نازكة وحلوة حيل اجتي دلال من شافتنا كاعدين وسلمت ع ريهام وعلية وع مارلين بس اني مو هلكد علاقتي بيها صح بشعبتنا بس هي صديقة ريهام اكثر شي
ريهام: هلو دلال تعاي اتفضلي
دلال: هلو عمري اجيت اسلم عليكم واروح لان مكدرت اسلم عليكم بالمحاضرات
مارلين: لعد شو دلال ليش تطلعين دائمآ من وكت وتضربين محاضرات
دلال: والله مرتبطة بأخوية لازم من يريد يطلع ويكنسل محاضرات اطلع وياه تعرفين يخاف علية
ريهام: اي عيني حقة اذا انتي جنج لعابة ليش ميخاف عليج
دلال: هههه تسلمين كلبي يلة بنات اني اترخص
ريهام ومارلين: اخذي راحتج حبي
غرام: هففف همزين راحت مثل اخوها ثكيلة ع المعدة
ريهام: لا لج خطية البنية حبابة
مارلين: ههههه حقدت بعد ام عطوب..
وكالعادة مابين الجامعة والبيت والدراسة نفس الروتين كل يوم بس كمت ما اكعد بالكافتريا هواي وقت الريست لان امير دائمآ متواجد هو ومروان اهناك واستحي ومرة من المرات رحنا اني والبنات للكافتريا بس ملكيت امير حسيت شي بداخلي يدور ع شخص بس ماعرف ليش وع شنو يدور
