امير: انتظرج طول العمر بس كولي اي انتي مو تحبيني معقولة متردين ترتبطين بية معقولة حبج الية انتهى
غرام: حبي الك منتهى وكل ألي صار بية بسبب حبك بس ماكدر امير اريد ارتاح راح ابقى احبك اي بس ماريد اتزوج
امير: اني باقي منا لنهاية الاسبوع راح انطيج فرصة تفكرين وترديلي خبر واتمنى ردج يكون ايجابي
غرام: اني استأذن اتأخرت وردي وصلك من هسة
امير: ما اعترف بهذا ردج انفصلي من بشار انفصال نهائي وفكري ورديلي خبر اني مستعد انتظرج لاخر يوم بحياتي بس لتتركيني وتضيعين حبنا بلحظة غباء
غرام: امير الله يخليك اني اسفة اعصابي متوترة وماكدر حتى افكر بالموضوع روح سافر الله وياك وشوف حياتك انت بنيت نفسك بالخارج روح كمل حياتك اهناك
..كمت وكفت ولبست جنطتي
مع السلامة امير ماريدك تزعل بس اني مو جاهزة للزواج
امير: ع راحتج ع العموم اني مسافر بنهاية الاسبوع ومع هذا راح انتظر ردج بيوم من الايام اذا غيرتي رأيج اتصلي علية
غرام: الله كريم
يلة مع السلامة
امير: اوكفي خلي اوصلج ميصير ترحين وحدج
غرام: لا اني اروح مثل ما اجيت ماريد اسببلك مشاكل خاف احد يشوفنا
امير: ع راحتج بس ديري بالج ع نفسج
غرام: ان شاء الله..
رجعت للبيت شمرت نفسي ع جربايتي بجيت من كل كلبي ماعرف شنو ألي اريدة زين اذا احبة ليش رفضتة ليش منطيت لنفسي فرصة بس لا اني ماكدر ارجع اتحمل مسؤولية اريد ارتاح اريد اتحرر اني كل ألي صارلي بسببة سنتين ضاعت من حياتي بالقهر والألم دك جهازي رفعتة
بشار: الو غرام شلونج
غرام: هلا بشار
بشار: شكو شبي صوتج صاير شي
غرام: لا ماكو شي سلامتك
بشار: اهااا. غرام باجر موعدنا بالمحكمة حتى ننفصل نهائي
غرام: اهاا ماشي بس ساعة ابيش
بشار: ساعة 8 الصبح
غرام: ان شاء الله
بشار: اني اجي عليج واخذج
غرام: اوكي انتظرك
بشار: يلة عيني سلميلنا ع الاهل
غرام: الله يسلمك يوصل
بشار: مع السلامة
غرام: مع السلامة..
امير: رجعت للبيت مصدوم متوقعتها راح ترفض طلبي وين راح الحب ألي بيني وبينها معقولة ترفضني معقولة نست حبي الها
دلال: امير حبيبي شبيك
امير: تعالي دلال
دلال: ها سولفلي شبيك
