غرام: صار ثاني يوم انتظرت الكل ينامون اخذت مستمسكاتي واشياء ضرورية وياية ممكن احتاجها اخذت كم قطعة ملابس خايفة وابجي شلون راح اعوف اهلي شراح يسوون وراية شراح يصير بيهم راح يسامحوني راح يفهموني لو راح يغضبون علية.
صارت ساعة وحدة قفلت باب غرفتي وطلعت ع كيفي فتحت باب البيت وطلعت لكيت امير منتظرني بالسيارة رحت صعدت ارجف وخايفة
امير: شبيج حبي لا سلام لا كلام
غرام: خايفة
امير: لتخافين كلها كم شهر ونرجع نطلب رضاهم ونخليهم امام الامر الواقع
غرام: امي تقوى اسلام ابوية راح اشتاقلهم بيا عين اشوفهم بعد
امير: اني وياج وماعوفج اوعدج نرجع بعد متهدأ الامور خليج قوية
غرام: يارب سترك وعطفك
امير: ها نمشي لحد يشوفنا
غرام: امشي امشي بس صدك وين راح نروح
امير: اني مضبط كل اموري راح نعقد اهنا وبعدها بأسبوع نروح لأربيل
غرام: وين راح نكعد
امير: حجزت فندق الج غرفة وألي غرفة
غرام: اني جايبة وياية فلوس وذهبي اذا تحتاج اخذهن
امير: خلي فلوسج وذهبج يمج مامحتاج غير بس اشوفج مرتاحة
غرام: ياريت ارتاح بس شوكت
امير: عن قريب ان شاء الله
... صفنت ع نفسي ممستوعبة ألي سويتة امنين جبت هالجرأة ما ادري بس الخوف كاتلني للحظة كتلة لأمير
غرام: امير
امير: ها حبيبي
غرام: رجعني
امير: شنوووو!!
غرام: مثل مسمعت
امير: تخبلتي انتي شلون ارجعج شجاج
غرام: اخاف ماكدر اسويها اهلي ميستاهلون اكسر وجهم
امير: غرام اذا رجعنا مراح نكدر ننجمع مرة ثانية
غرام: لمصلحتك انت لان راح تتأذة بسببي
امير: ميهمني اي شي غير حبج
غرام: اوكف ولوف السيارة ورجعني
احبك اي واتمنى كل لحظة بعمري اقضيها وياك بس ماكدر اسويها اني جبانة
امي: رحت باليل اشوف غرام اكيد منايمة كلبي مثل النار عليها ردت احجي وياها انصحها اواسيها فتحت باب الغرفة ودخلت ماكو احد كلت خاف بالحمام رحت للحمامات ماكو رحت للهول للأستقبال ماكو دخلت ع غرف اخوتها خاف يمهم ماكو صحت ع احسان
ولك احسااااان الحكلي غرام ماكو
احسان اكعد بنتك ماكو
ابوية: شنوو
شنو ماكو وين راحت دورتي عليها بالبيت
امي: ابجي واحجي
اي دورت وماكو البنية بس لا انهزمت
