.. دخلنا للمحل بس معجبني شي كلة ملابس حفلات مكشوفة واني رايدتلي فستان طلعة مستور المهم دخلنا لأكثر من محل عجبني فستان كلش حلو لونة جويتي بسيط وطويل كلوش ورهمت وياه جنطة وحذاء بيجي من نفس الموديل وشال مشجر جويتي وبيجي المهم كملت غراضي ع كد الفلوس سد بسد طلعنا امي اشترت لتقوى حاجات وحاجات للبيت هم رجعنا للبيت حضرنا العشا اجة ابوية واسلام كعدنا تعشينا وراها حجيت وياهم ع العشا ع موضوع الطلعة
غرام: اريد اكللكم فد ضي
الاهل: كولي
غرام: يابة صديقتي من الجامعة عازمتني بمطعم بمناسبة خطوبتها ولان عطلة هم وصارلنا هواي ممتشاوفين
امي: من هاي اشتريتيلج ملابس مو
غرام: هههه اي يمة
ابوية: اي وتطلعون وحدكم بس انتي وياها
غرام: ها لا مو هي هم عازمة صديقاتنا
امي: وبيا مطعم معزومة خوما بعيد
غرام: والله يا امي لحد الان مكالتلنا بيا مطعم العزومة بيوم الجمعة
ابوية: بنتي اني اخاف عليج الدنيا متتأمن اذا تردين اخذج لبيتهم وباركيلها وشوفيه
غرام: لا يابة حباب البنات كلهن راح يرحن وبعدين لتخاف علية هي راح تجيب اهلها وياها
ابوية: زين يابة روحي بس ماكو تأخير ساعتين وتجين
غرام: اي ادري اني ماريد اتأخر
اسلام: ليش العزيمة بيا ساعة
غرام: ولك هو تحقيق بس اتصور العصر
اسلام: ها زين. غير نخاف عليج
غرام: ولك ليش تخاف علية تدري بية سباعية
تقوى: خلي اروح وياج حبابة
غرام: لا حبيبتي ميصير غير مرة اخذج
امي: يلة خلصتوا عشا دا اشيل الاكل
الجميع: اي الحمد لله
غرام: يمة روحي ارتاحي اني اغسل المواعين
امي: خوش لعد اني راح اسوي جاي لابوج
... خلصت المواعين كعدت شوية يم اخوتي ابوية دخل لغرفتة بعدها كلمن راح ع غرفتة فتحت جهازي لكيت امير متصل علية مرتين ودازلي 3 رسايل اتصلت عليه وبشرتة بالموافقة
امير: الو هلو غرام شلونج
غرام: هلو حبيبي شلونك
امير: زين
غرام: شبيك تحجي من ورة خشمك
امير: اسألي نفسج وين جنتي وعايفة موبايلج مو دكيت عليج ودزيتلج رسايل ليش مجاوبتي
غرام: اعذرني والله جنت ملتهية رجعت من السوك تعبانة التهينا بالعشا والسوالف هسة دخلت لغرفتي
