غرام: اي احجي اسمعك
بشار: اني حجيت وية رقية وقررت اخطبها بس مجرد خطوبة بدون اي مراسيم فرح احترامآ لوفاة عمي
غرام: اي شكو بيها الله يسعدكم فرحتلكم والله
بشار: بس اكو شغلة بعد
غرام: شنو
بشار: رقية واهلها عدهم شرط
غرام: شنو الشرط
بشار: اطلكج
غرام: بشار تعرف شنو رأيي بهذا الموضوع اني اتمنى تحررني من هاي العلاقة اني ما امانع
بشار: اذن راح ابدي بأجراءات الطلاك
غرام: هاهية براحتك
... فرحت من حجة وياية بموضوع الطلاك واخيرآ راح اتحرر
.. بشار تكدر تاخذني لاهلي باليل
بشار: ميخالف اذا صار عندي مجال اخذج
بس ليش صاير شي
غرام: لا ماكو شي بس اريد اشوف امي واخوتي
بشار: اي ميخالف باليل اخذج
.....
امير: امي طلبت مني نروح للعراق زيارة لاخوية علي مشتاقيلهم هو ومرتة والجهال اخذت اجازة اسبوع وكملت اجراءات السفر
... ها حجية بعد شتردين راح اخذج لعلاوي
ام علي: بعد كلبي يايمة مو تدري بية مشتاقتلة هو ومرتة والجهال
امير: اي ادري بيج باجر من الفجر اتدكين ع دلال ونوح حتى نطلع كبل للمطار من وكت طيارتنا ب 7 الصبح
ام علي: اي يمة ميخالف هسة اخابرها
امير: اني راح اخابر علي حتى انطي خبر يجي ياخذنا من المطار
ام علي: زين يمة خابرة اني راح اروح اخابر اختك
امير: ماشي
غرام: صار الليل اجة علية بشار حتى ياخذني لأهلي
بشار: ها غرام كملتي يلة حتى اوصلج
غرام: كملت بس البس الجبة والحجاب
بشار: يلة اني راح اخابر ع رقية بين متكملين
غرام: ماشي سلملي عليها
بشار: الله يسلمج
غرام: لبست كملت اخذني بشار وصلت لبيتنا
امي: هلا يمة شلونج شعجب اجيتي
غرام: حبيبتي امي مشتاقتلكم اجيت اشوفكم
امي: تعال بشار هلا بيك عمة اتفضل
بشار: زاد فضلج عمة بس والله مستعجل غرام راح تبقى يمكم
امي: خير يمة شصاير اكو شي
غرام: خلي نفوت جوة وافهمج
بشار: يلة اني اترخص سلميلي ع اسلام عمة
