بشار: لا اني اطلعهن انتي ارتاحي
بس بعد ما اسبح اريد احجي وياج بموضوع
غرام: ها اي ماشي
بشار: طلعت من الحمام طبيت للغرفة لكيت غرام كاعدة تلعب بالموبايل شافتني سدت الموبايل وعدلت كعدتها رحت كعدت يمها ع الجرباية
.... هسة نكدر نحجي
غرام: اي اتفضل
بشار: شوفي يابنت عمي التصرف الصار ماريدة ينعاد عرضتي حياتج للخطر وردتي تموتين مفكرتي شراح تحصلين اذا اذيتي نفسج واحنة اهلج شراح يصير بينا من بعدج .
غرام: نزلت راسي سكتت شريد اكول
بشار: اني اعرف بشنو انتي تفكرين وليش هيجي سويتي بنفسج
بس اني مراح اتقربلج كوني متأكدة ولا راح اسوي شي خارج عن ارادتج احنة راح نعيش ابيت واحد كدام العالم متزوجين بس بيناتنا كل واحد ينام بغرفة يعني مثل ميكولون زواج ع ورق وبس عسى ولعل بمرور الزمن نصير حالنا حال اي زوجين واذا ماصار هذا الشي ومتقبلتيني اني مستعد اطلكج بس حاليآ ما اكدر ابوج واكف بعيني
غرام: فرحت من سمعت كلام بشار زين يعني هو حاس بية ممتقبلتة بس هم خايفة بس مع هذا هو طمني شوية
.... ماشي الله كريم بس ماريد احد يعرف بهذا الاتفاق
بشار: اكيد محد يعرف اني ماريد احد يعرف
بس بقت شغلة وحدة
غرام: شنو
بشار: تقومين بواجباتي وكلشي ماريد منج اوفرلج ألي تردي وتعتبرين هذا البيت بيتج واتصرفي بي براحتج ونبقى ع اتفاقنا
يعني كدام العالم اريدج تبينين زوجة حقيقية الية وغير هذا اريد من ارجع من الشغل الكة اكل ملابس نظيفة بعد انتي تعرفين ميحتاج اعلمج
غرام: اي اكيد بدون متوصيني راح اقوم بكل واجبات البيت بس دوامي شلون مبقى شي ع الامتحانات
بشار: دوامج متتركي اتداومين واني اوديج واجيبج بس اوعديني نبقى مثل الاصدقاء واي شي يصير ويشغل بالج تجين تسولفيلي
غرام: اوعدك اي شي يصير اكولك ومراح اقصر وياك
بشار: ماشي اتفقنا . بس اريدج اطلعيلي فراش دا اروح انام
غرام: اي ماشي هسة اطلعلك
بشار: خاف متكدرين لان ايدج توجعج
غرام: لا عادي اكدر
بشار: بس اكو شغلة
غرام: شغلتيش
بشار: اني جوعان
غرام: واني هم جعت
بشار: اكو اكل بالثلاجة هسة اسوي وناكل
غرام: لا اكعد اني راح اسوي
بشار: لعد اجي وياج اساعدج حتى بعد العشا تاخذين الدوة مالتج
