امي: شكو ياستار ليش مستحية شنو اكو احد اتقدملج
غرام: اي اكو احد تقدملي
امي: منو
غرام: شبيج يمة مو امير عرض علية الزواج كتلج وكتيلي فكري واتأني
امي: اي وبعدين
غرام: اني فكرت وقررت
امي: وشفكرتي شقررتي
غرام: اني موافقة بعرض امير
امي: افهم من كلامج موافقة ع الزواج
غرام: مجاوبتها استحيت نزلت راسي وابتسمت
امي: هههههه هاي هسة يالة استحيتي يمة بكيفج ما اجبرج ولا اضغط عليج حياتج وانتي حرة بيها بس شمعنى اجيتي من الدوام مستعجلة وحجيتي بهل موضوع خاف احد بالدوام حاجي وياج ضاغط عليج
غرام: لا امي مو هيج السالفة بس اني تشجعت اشوف بالمحكمة الشباب يجون يعقدون وفرحانين هذا الشي شجعني اخطي خطوة لصالح نفسي اريد انطي فرصة للفرحة تدخل كلبي
امي: الله يهنيج ويفرحج ويريح بالج شريد اني من الدنيا غير راحتكم وسعادتكم انتي واختج واخوج
غرام: بستها من راسها
تسلمين يمة ربي ليحرمنا منج اني راح اصعد لغرفتي ابدل واخابر ريهام
امي: اي لازم تعرف بكل تحركاتج هههه
غرام: شلون لعد يا امي غير صديقة روحي
امي: الله يثخن لبنكم روحي يمة روحي بس لتتأخرين حتى نتغدة
غرام: ماشي ما اتأخر
صعدت لغرفتي بدلت ملابسي اتصلت بريهام
الو هلو ريهام
ريهام: الو هلو غرام شلونج
غرام: الحمد لله بخير بس ردت اطلب منج طلب
ريهام: اي كولي
غرام: سلميلي ع مروان وكليلة خلي يكلة لأمير يتصل بية بخصوص موضوع مهم
ريهام: ياستار ولج ياموضوع احجيلي
غرام: بعدين تعرفين انتي كليلة هيج وخلي يكلة لامير يتصل بية فورآ
ريهام: صايرة متحجيلي شي بذاتة بس ميخالف اكولة واشوف شنو ردة واردلج خبر
غرام: ماشي حبيبتي تسلمين راح اتعبج وياية
ريهام: تعبج راحة حبي ولو تدللين
غرام: يلة كلبي سلميلي ع مروان
ريهام: الله يسلمج يوصل
غرام: باي
ريهام: بيباي
غرام: سديت الموبايل من ريهام واني متحمسة فرحانة نزلت حضرلنا الغدة اني وامي وبقينا نسولف شوية اجوي اخوتي من الدوام صبينا الغدة وتغدينا
