غرام: شخطر ابالك حتى تسألني هذا السؤال
امير: ماعرف فضول او لان اسمج مو مألوف
غرام: هههه اي صحيح اسمي غريب شوية اني امي سمتني هذا الاسم ولان اول فرحة الها سمتني غرام يعني امي وابوية اعتبروني هدية ونتاج حبهم وسمتني هذا الاسم
امير: اهاا حلو ليش ابوج ماخذ امج ع حب
غرام: اي اتزوجوا ع حب بس هو مو غريب ابن عمها
امير: زين يعني راح يتفهمون قصة حبنا
غرام: بس اني خايفة من شي
امير: ليش حبيبتي من شنو خايفة
غرام: صارت ويانة حادثة بسنة 2006 بوقت الطائفية ولحد الان مأثرة ع ابوية
امير: شنو الحادثة ياستار
غرام: لانه احنة (من فلان طائفة) وعمامي اثنينهم جانوا ساكنين بفلان منطقة هجموا عليهم عصابة عمي الجبير انقتل و اولاد عمي الثاني بعد مدة 5 اشهر اثنينهم انخطفوا وانقتلوا بعدين عمامي انتقلوا من مناطقهم
امير: لا حول ولا قوة الا بالله زين انتي شنو ألي مخوفج
غرام: خايفة لان اني وانت من طائفتين مختلفات اخاف اهلي ميوافقون عليك
امير: لا حبيبي لتتشائمين ماصدك يصير هيج شي
غرام: يارب
ع الرغم من انو ابوية انسان منفتح ومتفهم وميضغط علينا بأي شي واهم شي عندة سعادتنا بس خايفة بنفس الوقت
امير: يعني افهم من كلامج اذا تقدمتلج يرفضني بسبب اختلاف طوائفنا
غرام: اي احتمال كتلك هاي السالفة مأثرة عليه وخصوصآ من 3 من اقرب الناس الة انقتلوا غدر
امير: حبي بس احنة شنو ذنبنا وانتي كلتي ابوج انسان واعي ومنفتح ماعتقد يوكف بوجه سعادتنا
غرام: يارب ميصير ألي ابالي
امير: لتتشائمين وخليها ع الله
وهسة كليلي شنو اطلبلج عشا
غرام: لا حبي رجعني للبيت اتأخرت اني كلتلهم ساعتين وارجع
امير: اي نتعشا ونروح اصلآ مصارلنا ساعتين
غرام: يلة ماشي مثل متحب بس ع فكرة دلال امبينة تحب خطيبها كلش اشوف بعيونها نظرات حنونة تجاهة
امير: اي هو طلبها من والدي قبل 5 سنوات بس منطاها لان صغيرة بس من توفى والدي اجة خطبها من اخوية علي وكلة تخلص جامعة واخطبها بس هو متحمل بعد
غرام: خطية يارب يسعدهم
دلال: اي حبي شنو راح تكون خطوتنا القادمة
نوح: ان شاء الله الاسبوع الجاي نعقد ونسوي حفلة بيناتنا قبل ميبدي دوامج
دلال: ان شاء الله بس ها مثل مكتلك اتخرج يالة نتزوج
