بشار: غرام اريد اسألج سؤال
غرام: اي اتفضل اسأل
بشار: هم تفكرين بأمير
غرام: بشار سد الموضوع هذا الشي ميخصك
بشار: اوكي ع راحتج اني خلصت اكل
غرام: شأكلت انت
بشار: ماريد شبعت جيبيلي جاي
غرام: ماشي
.. كمت للمطبخ هسة هذا وكتة اني كوة مصبرة ع نفسي وهذا يريد يهيج المواجع
المهم سويتلة جاي. اتصلت بية ريهام اخذت الموبايل من الهول طبيت للغرفة احجي وياها
بشار نايم بالهول
ريهام: الو غرام حبيبتي شلونج شخبارج مشتاقتلج موت
غرام: الحمد لله كلبي انتي شلونج الاهل مروان
ريهام: كلنا بخير اهم شي انتي شلون صرتي الوضع بالبيت شلونة
غرام: والله مادري شكلج بس مبدئيآ زين الحمد لله
ريهام: الله يسعدج ويريح بالج
غرام: تسلمين كلبي
.نصيت صوتي وانداريت من الصفحة الثانية ع الجرباية حتى ليسمع بشار
اكولج ريهام مروان شكلج سافر امير لو لا
ريهام: اي سافر راح وياه مروان للمطار حتى موصي مروان عليج
غرام: ياحبيبي شكد مشتاقتلة جنت اتمنى هذا اليوم ننجمع اني وياه..
ماشوف غير بشار فوك راسي
انهبطت ظليت صافنة وريهام تحجي بس بالي مو يمها
ريهام: الو .. الو
غرام وين رحتي
طووط..طووط..طووط..
بشار: ويامن دتحجين وهذا منو ألي تردين تنجمعين وياه بهذا اليوم وانتي ع ذمة رجال ثاني
غرام: انت شلون تتصنط علية متستحي
بشار: لزمتها سحلتها من شعرها قربت وجهي يم وجها
غرام احترمي نفسج وجري عدل وياية ترة متعرفيني من اصير عصبي شنو ممكن اسوي خليني مستخطيج لان مريضة ومصارلج يومين عروس
غرام: هههههااااي مستخطيني
ليش محسسني اني شامرة نفسي عليك وانت كسبت بية اجر واخذتني
اني اصلآ ماريدك وماحبك وتدري بية كلش زين احب امير واعشق كل حرف بأسمة
بشار: لج ادبسز تجاوبيني عيني عينك وتحجين وية رجلج بكل صلافة
غرام: اي اجاوبك لان انت مو رجال لو رجال جان متقبلت وحدة تحب غيرك وبالها وية واحد ثاني
بشار: صعد الدم لراسي من حجت هاي الحجاية لزمتها كطعتها تكطع زوركتها ضربتها راجديات
غرام: ضربني حيل بكل قوتة ايدي طكت دم
كعدت بالكاع دخت دموعي تنزل من عيني بدون ما اشعر بيها
اووووف لشوكت راح تستمر هاي المهزلة
ليش عفتني وحدي امير اني بلياك ضايعة
