... ضجت من امير من هيج حجة كدام صديقاتي ومروان بس ادري بي يحبني ويحب يضوجني بسوالفة 😜
المهم خلص اليوم حالة حال اي يوم نفس الروتين
خلص الاسبوع بخير وسلامة اجة يوم خطوبة دلال ظليت حايرة شلبس وشسوي هففف
غرام: يمة عفية متجين تساعديني شوية كليلي شلبس
امي: اي يا امي ملابس كومة عندج وحايرة شتلبسين شو بلة افتحي الكنتور
غرام: يلة فتحتة بلة شوفيلي شي ع ذوقج
امي: البسي هذا الفستان حلو يلوكلج
غرام: خاف عيب هذا قصير ومكشوف
امي: اكيد من راح يجون اهل الولد والولد راح تلبسين عليهن جبة ومن تبقون بس بنات عود انزعيها بس ها لتخلين احد يصورج
غرام: ماشي تدللين
..... ساعدتني امي بأختيار فستان حلو قصير لونة مشمشي وبي شغل بسيط ذهبي من الردانات حضرت نفسي ولبست فستاني شسورت شعري وخليت مكياج قوي صارت ساعة 3:30 لبست الجبة والشال ع ملابسي واخذني ابوية بالسيارة ورحنا لبيت ريهام اخذنا ريهام ويانة وصلنا ابوية لبيت امير
غرام: يلة انزلي ريهام
ريهام: اوكي
ابوية: بنتي من تخلص الحفلة دكي علية حتى اجي اخذكم ولتتأخرون
غرام: تدلل يابة يلة مع السلامة
ريهام: مع السلامة عمو
ابوية: الله وياكم
....دخلنا اني وريهام تقريبا ساعة 4 العصر دلال موجودة واهلهم وكرايبهم منعرفهم احنة سلمنا ع دلال وعرفتنا ع امها وزوجة اخوها وكرايبهم
ريهام: دلال لج شطالعة ملكة جمال عيني باردة عليج تخبلين
دلال: تسلمين حبيبتي انتي الاحلى
غرام: الف مبروك تتهنين ان شاء الله
دلال: يبارك بيج كلبي يوم ألي اشوفج انتي وامير احلى عرسان
غرام: ياعمري الله يسمع منج
ريهام: واني شو مدعيتيلي
دلال: ههههه انتي هم يارب اشوفج احلى عروسة لمروان
ريهام: اي والله آمين
دلال: هاي امي خلي اعرفكم عليها .ماما تعالي شوية
ام علي: ها يمة كولي تردين شي
دلال: ماما هذني صديقاتي هاي غرام وهاية ريهام
ام علي: يايمة هلا بيجن بعد كلبي ماشاء الله تخبلن
غرام وريهام: الله يحفضج خالة 😘
.... بعد تقريبآ نص ساعة كالوا اجوي اهل العريس وعمامة وخوالة وجايبين وياهم سيد يعقدلهم صارت كعدة الزلم والعقد والنيشان بنفس اليوم خلصوا الاتفاق ع الحاضر والغايب وعقدلهم السيد بعدين لبسنا حجاباتنا والجبب حتى يدخل نوح يلبسها نيشان لدلال شفت امير دك باب الصالة علينا وكال
