علي: خابرني امير من المستشفى عفت شغلي ورحتلة
ها خوية شجابك اهنا ليش راسك مشدود شنو هذا المغذي شصاير سولفلي
امير: علي الله يخليك راح اسولفلك بس لتكللها للوالدة
علي: الوالدة اتدك وتلطم من البارحة لليوم
امير: سودة علية يمة
علي: اي سولفلي شكو شصار
.. سولفتلة الموضوع كلة ظل متفاجئ مصدوم
علي: المفروض اني اخوك واعرف كلشي يصير وياك ليش ضميت علية
امير: السالفة عادية ابنية وحبيتها حالي حال اي شاب
علي: وهسة شراح نسوي اني ما اسكتلهم لازم ابلغ عليهم
امير: لا علي خلص ماريد اعقد الامور اكثر لازم اروح اخطب غرام
علي: من كل عقلك منو يكول ينطوكياها بعد كل ألي صار
امير: فوك ما متعدين علية مينطونياها وبعدين حتى اذا اني غلطان لازم اصحح خطأي
علي: دكوم بالسلامة هسة والله كريم
امير: طلعني ادفع فلوس المستشفى وخلي نطلع للبيت
علي: ماشي هسة اروح احجي وية الدكتور
.. رحت للدكتور حجيت وياه كلي مابيه شي العصر يطلع رحت ادفع الفلوس كالولي اجة ولد دفعهن وراح
مهتميت للموضوع ملتهي بسالفة اخوية رحت طلعتة رحنا للبيت تلكتنا الحجية
ام علي: يمة سودة علية شجاك منو سوة بيك هيجي
علي: يمة خلي يرتاح ونسولفلج
امير: يمة حبيبتي لتخافين مابية شي
ام علي: ريتك سالم يمة تنكسر الايد التنمد عليك
امير: كعدنا اني وعلي سولفنا للوالدة وكلنالها بعد يومين نروح نطلب البنية
ام علي: يمة بعد كلبي خاف من وراها مشاكل هاي الزواجة عوفها وشوفلك غيرها
امير: لا يمة هي حاجة اعوفها واشوف غيرها غير احبها
ام علي: يمة بكيفك بعد اني كتلك وانت بكيفك
علي: راح اروح هسة ارجع للشغل باليل امر عليك
امير: روح خوية الله وياك
غرام: يمة الله يخليج بس أسأليلي ابوية امير وينة وشلون صار اروحلج فدوة
امي: ميخالف اسألة باليل
غرام: اريد اداوم شلون صار 3 ايام ممداومة واني مرحلة رابعة فاتتني هواي محاضرات كليلة لأبوية خلي يسمحلي اروح لدوامي
امي: عود باليل احجي وية ابوج
غرام: حاولي تقنعي
امي: ميخالف
