قصة غرام

البارت 9

... المهم قنعتني امي نروح وية بشار للمطعم اني وياها وتقوى حضرنا نفسنا واجة بشار اخذنا

بشار: شلونج عمة شخبارج

امي: هلا بيك عمة انت شلونك الوالدة شلونها

بشار: الحمد لله كلهم بخير

امي: الله يجعلهم

بشار: شلونج غرام

غرام: الحمد لله زينة

بشار: شو احسج مو ع بعضج

امي: لا عمة هي شوية تعبانة وضايجة

بشار: هااا يلة لتضوجين احنة طالعين نتونس

..... بكلبي شكد غثيث وشايف نفسة
لا مضايجة مرتاحة اصلآ

بشار: اي زين
... اسمي بشار ابن عم غرام عمري 28 سنة خريج ادارة واقتصاد اشتغل وية عمي بالتجارة والدي انقتل واصبح بحياتي فراغ كلش جبير عندي خوات اثنين الجبيرة سلمى متزوجة ساكنة ابغداد الجديدة واخوية الاصغر منها سامر هم متزوج ساكن ويانة اني والحجية واني متزوج ومطلك بس ماعندي اطفال واختي الاصغر مني بشائر هم متزوجة وساكنة بدهوك من احنة صغار اني وغرام عداوة مو اكرها بس احب اضوجها واستفزها اخذ العابها واكتلها واركض وراها هي تكرهني من احنة اطفال بس ماعرف اذا لحد الان تكرهني المهم بهذا اليوم عمي كلي عندي شغل والاهل ضايجين وديهم عشيهم بمطعم  مكلت لا رحتلهم واخذتهم

غرام: ظلينا طول الطريق ساكتين لحد ماوصلنا للمطعم طبعآ اني مماخذة راحتي بسبب بشار المهم نزلنا عشا وتعشينا امي كالت راح اخذ تقوى ونروح نغسل بقيت اني كاعدة يم بشار بدون ما احجي صدفة هو حجة وياية

بشار: غرام بما انو ضايجة راح اكولج نكتة

غرام: كول
... كلي نكتة صدك ضحكتني بهاي الاثناء شفت امير وياه ولد اثنين ماعرفهم دخلوا للمطعم صارت عيني بعينة هو ميدري اني طالعة فوكاها كاعدين بس اني وبشار من شافني كبل تخربطت وضعيتة ماعرف شحجة وية الولد وطلع

امير: رحت اني واصدقائي للمطعم دخلت لكيت غرام كاعدة وية ولد شاب وتضحك الدم صعد لراسي بس لزمت نفسي مردت تصير فضيحة كلتلهم للشباب خلي نطلع غلطت بعنوان المطعم بدون نقاش طلعوا الشباب بس طول الطريق اني صاير نار ليش هيج تسوي وليش مكلتلي راح اطلع ومنو هذا الكاعدة وياه تتمضحك اوووف منج غرام شراح يخلصج مني مصدكت نتعشا اني والشباب وادفع الحساب ونطلع اريد ارجع اخابرها وابهذلها

غرام: عزة العزاني شراح يخلصني مو طلعة صارت علية
.. اجتي امي وتقوى
ها يمة شو اتأخرتي هذا كلة دتغسلون