خلص العام الدراسي واجتي العطلة قوت علاقتي بأمير اتصالات رسائل سوالف عادية بديت انجذبلة حبيتة وهو كذلك لحد ماطلعت نتائجنا اتواعدنا اني وامير نتشاوف بالكلية رحنا ثاني يوم للجامعة نستلم النتائج
امير: صباح الخير يا اجرام حبي وصخام كلبي هههه
غرام: صباح النور هاي ليش هيج تحجي فطير
امير: ههههه فديت الكلمة من حلكج عسل
غرام: اي ادري شلونك مشتاقتلك حبي
امير: شنو شكلتي ولج
غرام: ها هيج ماكلت شي
امير: كوليها وريحي كلبي
غرام: اي حبي وحياتي وكلبي ع الرغم ماجنت ناوية احب واسوي علاقة بس وكعتني انت وحبيتك وصرت اهم شي بحياتي
امير: ياعمري انتي والله اموت عليج يلة روحي شوفي نتيجتج اني شفتها
غرام: اي صدك نسيت اسألك شطلعت
امير: هههههه جيد جدآ
غرام: اي الحمد لله مبروك حبي مبقالك بس سنة وياية اهئ اهئ
امير: شنو سنة ولج اني ماعوفج طول العمر
غرام: ان شاء الله منفترق طول العمر
امير: آمين . يلة روحي شوفي نتيجتج وبشريني
غرام: ماشي انتظرني.. رحت شفت نتيجتي مصدكت ممتاز فرحت ورحت ركض لأمير حتى ابشرة لكيت مروان والبنات ريهام ودلال ومارلين واكفات يم امير استحيت اكولة كدامهم همة من شافوني اجيت سلموا وراحوا يستلمون نتيجتهم بس الظاهر يدرون بعلاقتنا اني وامير اني محجيت بس لريهام عنة وريهام هم صارت عدها علاقة حب بمروان صديق امير يحبها يموت عليها.
امير: ها بشري حمامة غراب
غرام: ولك مو عيب اني غرام احسان اكيد حمامة ههههه وممتاز هم
امير: ياعمري مبروك والف مبروك فرحتلج
غرام: اموت عليك يلة حبي خلي اروح للبنات خطية حتى نطلع اني وريهام وباليل نتخابر
امير: راح اشتاقلج حبي
غرام: اني هم ياعمري انت يلة بيباي
امير: ديري بالج ع نفسج ومن توصلين بيتكم اتصلي بية طمنيني عليج
غرام: اوكي تدلل بيباي
امير: بيباي حبيبتي
غرام: رحت للبنات ورجعنا اني وريهام بتكسي للبيت ومارلين رجعت ودلال اخذها امير بسيارتة رجعت للبيت بشرت امي واخواني بنجاحي وخابرت ابوية للشغل بشرتة دخلت لغرفتي بدلت واتصلت ع امير سولفنا شوية ونزلت تغديت وية اهلي اجة ابوية ع الغدة وباركلي ع نجاحي
امي: يلة غرام تعاي صبيت الغدة
غرام: اي امي اجيت
تقوى: ست غرام متنا من الجوع من وراج ساعة تبدلين ملابسج
غرام: ولج ام السان
اسلام: غرام شتردين اجيبلج هدية بمناسبة نجاحج
غرام: لك سلومي انت اغلى هدية والله
اسلام: ماما هاي اختي تحب المكياج وهاي السوالف انطيج فلوس وانتي وياها روحوا للسوك اشتريلها اليعجبها
امي: ههههه ولك يمة انت شعندك اني اشتريلها
غرام: يلة امي مادام مصر ع الهدية ما اكسر بخاطرة اخذي الفلوس ونشوف شوكت نطلع للسوك نشتري
امي: اي ميخالف تدللين
ابوية: ها ولج غرومة نجحتي باباتي يوم الاشوف اكبر محامية بالعراق الف مبروك
غرام: هههه الله يسلمك ويحفضك خيمة ع راسنا يابة انت الخير والبركة
امي: احسان شراح تجيبلها لغرومة بمناسبة نجاحها
ابوية: والله يا اسماء ع السانها ألي تريدة يجرالها
تقوى: لعد شو اني من نجحت محد جابلي هدية والله معلية اني هم اريد هدية
امي وابوية: ههههه تدللين انتي هم نجيبلج هدية من تطلع نتيجتج وتنجحين
مر هذا اليوم بسلام مثل كل يوم اتصل امير بية باليل
امير: اشتاقيت لصخومتي هههه خلي اتصل عليها
غرام: الو هلو حياتي اشتاقيتلك وين جنت شو متصلت العصر
امير: ياهلا بهل صوت ياعمري اسف والله طلعنا اني ومروان والولد افترينا وعزمنا مروان بمناسبة النجاح هسة رجعت
غرام: ها يعني التهيت وية اصدقائك ونسيتني
امير: ماعاش ألي ينسى روحة والله تفكيري كلة يمج
غرام: اي امبين
امير: امشي ولج صدك نسيت اكولج
غرام: ها شكو كول
امير: لج هذا مروان مسيس يحب ريهام صاحبتج وكلي عليها يريد يتقدملها من نتخرج
غرام: يوووو انت شكد قديم هي هم تموت عليه ع اساس مفاتحها بموضوع خطوبتهم يارب يتهنون ويعيشون احلى حياة رهومة تستاهل خوش بنية
امير: اي وصديقي هم خوش ولد
غرام: اي امبين شلون مدلي رجل وراد يوكعني
امير: ههههه هو انتي ثولة غير
غرام: ولك شنو ثولة
امير: هههههه اتشاقة وياج حبي
غرام: ها عبالي
امير: يلة حبيبتي اني نعست اروح انام
غرام: اوكي حبيبي اخذ راحتك واني هم نعست
امير: ماشي كلبي تصبحين ع خير
غرام: وانت من اهل الخير يا احلى حبيب.
مرت الايام بهدوء حبي لأمير يوم عن يوم يزيد وهو كذلك بيوم من الايام اقترح علية نطلع اني وياه بالبداية رفضت بس بعدين قنعني راسلني الضهر
امير: هلو غرامي
غرام: هلو يا اميري شلونك مشتاقين
امير: واني اشوق ولانه مشتاق اريد نطلع اني وياج نتمشى اعزمج ع عشا
غرام: لا حبي ما اكدر مو راهمة شكول لاهلي وبعدين اخاف
امير: لج بس انطيني مجال اكمل كلامي
غرام: شتكمل ولك طلعة ماكدر اطلع استر علية امير
امير: غير تفتهم الثولة لج بابة دلال انقرت فاتحتها ع ابن عم ابوية يعني بحكم المخطوبين حاليآ راح تطلع هي وخطيبها واني راح اطلع وياهم كليلهم لأهلج معزومة صديقتي عازمتني انطيج العنوان وتجين نروح كلنا سوة اني وياج ودلال وخطيبها نوح اني اتفقت وية دلال همة يكعدون بطاولة واحنة بطاولة وحدنا شنو رأيج
غرام: صدك شو لعد دلال مكالتلي راح تنخطب ولا ريهام جابتلي سيرة
امير: مكايلة لأي احد لحد متصير شغلة رسمية
غرام: اهااا فهمت زين انطيني مجال افكر واضبط اموري وية الاهل
امير: ماشي اليوم ثلاثاء واحنة الجمعة طالعين رديلي خبر يوم الخميس
غرام: اوكي ماشي ولو ممقتنعة بالفكرة
امير: ليش ولج غير مشتاقلج واريد اشوفج شنو ميعجبج تشوفيني
غرام: لا حبي بالعكس اني مشتاقتلك اكثر بس اخاف احد يشوفني كاعدة وياك وتدري معارف ابوية هواية وبكل مكان
امير: لتخافين دلال راح تجي اي شي يصير عندج حجة طالعة وية صديقتج
غرام: زين ماشي
امير: يلة حبي بيباي رايح للمحل
غرام: ماشي حبي الله يحرسك بيباي.
طلعنا اني وامي وتقوى العصر للسوك وصلنا ابوية بسيارتة وراح للشركة
امي: غرام مو تفرين السوك كلة مابية حيل امشي
غرام: ادري يا امي غير جايين حتى نتسوك واريد اشتري شي حلو من فلوس اخوية سلوم غير هدية نجاحي اخذها شلون مجان صدك اسلام شكد نطاج فلوس
امي: نطاني 150
غرام: بكلبي اممممم زين يجيبن فلوس فستان مرتب حتى البسة بالعزيمة.. ها زين لعد اني ماريد مكياج عندي هواية خلي اشوفلي فستان بسيط يفيدني للطلعة
امي: اي بعد احسن ولا تشترين مكياج وخراخيش
غرام: هههه يا امي غير اني بنية شابة شترديني اشتري قابل
امي: ديلة يلة امشي
تقوى: واني محد يشتريلي
امي: لا اشتريلج بس امشي هو اني اكدرلج
غرام: اوكفي يمة خلي نفوت لهذا المحل مال ملابس..
اعتذر عن الاخطاء 🙈🙉🙊
