بشار: اهلآ اهلآ ياحلو واخيرآ شرفتنا
امير: ههههااااي متصورتك هيج جبان
بشار: راح اراويك الجبان شنو ممكن يسوي
امير: ميهمني اني رجال وميخوفني شي
بشار: انت من الكاظمية يعني انت (ش...)
امير: اني مسلم بلاها هاي المسميات عيب احنة اكبر من هذا الشي
بشار: تعرف هسة اني دا افكر اعاقبك عقاب مضاعف
امير: عاقب مثل متحب بس قبل متعاقب خليني اكلك انت انسان جباااان
بشار: ضربتة بوكسي ع خشمة وجريتة من ياختة طبعآ هو ميكدر يقاوم لان اديناتة مربوطة ضربتة ع بطنة وكع بالكاع كعدت مقابيلة واباوعلة
امير: النذل استغل الفرصة لانو اني ادية مربطة ضربني بوكس ع خشمي وجرني وضربني ع بطني وكعت بس تمنيت افتح ايدي واعلمة اللعب شلون يصير..
كعد مقابيلي يباوع علية وع شفتة ابتسامة خبيثة كل ألي كدرت اقدملهيا انو تفلت عليه..
تفووووو يانذل انت لو رجال افتح ايدي وخلي نتواجه رجل لرجل
بشار: افتحلك ايدك بس راح اعاقبك عقاب عسير
امير: ع شنو تعاقبني
بشار: آخذ بثار ابوية ألي انقتل واولاد عمي راح استخدمك كنموذج عن البقية
النار ألي تغلي بكلبي مانطفت طول هالمدة
انسرق والدي برمشة عين حياتي صارت شبه مهجورة
امير: واني شنو ذنبي
بشار: بسببكم والدي انقتل
امير: اني مو قاتل والدك حتى تعاقبني الي روح عاقب الي قتلة
بشار: مالكيتة حتى اعاقبة..
محمود افتح ايدة
امير: فتح ايدي محمود واتهجمت ع بشار بكل قوتي ضربتة ع وجهة وكع رجعت دفرتة ع كليتة كوة كام ضربني خلع ايدي بس مستسلمت كضيت بيه التوبة واني ماعرف شنو السبب وشنو الي يريدة مني
بشار: تعاركنا اني وامير بس جان اقوى مني لذلك محمود اتدخل وضربة ع راسة بحديدة من الحديد الموجود وكع امير وهو كلة دم خفت حيل وعيت ع نفسي اني شدا اسوي اني مو مجرم حتى هيج اتصرف
ضليت اصيح ع محمود واغلط عليه لانه ضربة ضربة شبه قاضية وبعدها طلبت منة يجيب دكتور او مضمد بسرعة حتى يداوي
غرام: يمة فدوة اروحلج بس انطيني الموبايل اخابر امير بس اطمئن عليه
امي: اكعدي واسكتي شيخلصنا من ابوج مو تدرين بي صاير عصبي
غرام: شلون ياربي شسوي وين اروح ارحم بحال اهلة ياربي اذا مو لخاطري ولخاطرة لخاطر امة
ابوية: اسماء اطلعي دا احجي وية بتج شوية
امي: اي صار بس بروح اخوك احسان لتأذي البنية
ابوية: كتلج اطلعي وسدي الباب وراج
