امير: صار ثاني يوم ورحت للكلية حتى اشوف غرام رحت سألت عليها مارلين..
امير: السلام عليكم شلونج مارلين
مارلين: عليكم السلام اهلا امير الحمد لله انت شلونك
امير: عساج بخير ردت اسأل ع غرام
مارلين: بعدها مجاية ها هاي اجتي
غرام: دخلت للكلية شفت امير واكف يم مارلين تقربت اندار علية
امير: شلونج غرام
غرام: اهلآ امير
امير: من رخصتج مارلين اريد احجي وياها شوية
مارلين: اخذو راحتكم عيني
امير: اجيت اشوفج واحجي وياج
غرام: الله يخليك امير لتسويلي مشكلة روح منا
امير: شبيج غرام هذا استقبالج ألي
غرام: انتهى كلشي بعد امير واني حاليآ ع ذمة رجال ثاني
وبعد كم يوم زواجي
امير: شنوووو راح تتزوجين
غرام: اي خلص بعد انتهت قصة حبنا روح امير الله يخليك لتهيجلي المواجع بعد ماكو أمل من حبنا خلص انتهت قصتنا
امير: غرام لتقبلين عندج فرصة ترفضين لتغلطين هيج غلطة
غرام: روح امير الله يخليك لتزيدها علية
امير: متوقعتج هيج جبانة بعتي حبي بسهولة وين حبج وين تضحيتج وين الوعد ألي قطعناه ع نفسنا
غرام: اي جبانة لان ماكدر اشوه سمعة اهلي ماكدر انهزم وياك فكرت بالكل ومفكرت بنفسي كافي امير روح ماريد اشوفك بعد
امير: ماشي غرام اني رايح ومبروك اتمنالج السعادة راح احاول انساج مثل مانسيتيني
باي
غرام: ظليت ابجي حايرة ماعرف شسوي مالي قابلية اتحمل هذا الهم والحزن تعبت بعد كلام امير يجرحني كل ظنة ما احبة لو بعتة واني كل هذا ألي صار بية في سبيل ميتأذة هو
اجتني مارلين
مارلين: غرام حبي شبيج
غرام: تعبت مارلين حياتي اتحطمت مدا اعرف شديصير
مارلين: ميخالف حبيبتي كلشي يتصلح بس اصبري
غرام: مارلين شصبر عرسي بعد كم يوم
مارلين: شنو شو قربتوا الموعد مو ع اساس بعد متتخرجين
غرام: بشار غير عناد وياية قرب الموعد
مارلين: ماعرف شكولج بعد
غرام: راح اموت والله فهميني شسوي بس ماكو غيرها اي لازم انتحر
مارلين: لج اتخبلتي انتي شنو هالحجي هذا كافي اذكري الله
غرام: شلت ايدي للسما ودعيت
يارب عطفك ورحمتك
