#عيون_الريم_ونظرات_الصقر
#طيبة الربيعي
||البارت السابع||
ابو وعد: ماكو شي بابا روحي ارتاحي
كعدت وخليت جنطتي بصفي
وعد: مارتاح اذا اشوفكم بهل حالة، شكو ضرغام خوما عمي بي شي
ضرغام: لا وعد عمج كلشي مابي
ابو وعد: ضرغام!
ام وعد: عمج طارد ضرغام لان رايد اختج'طيبة_الربيعي'
اوف ياربي شلون بعمي...يعني لزكت بية ماكو غيري مرة تزوجهة لأبنك الطرطور....استغفرالله ياربي هاي السالفة متنسد الة تصير مصيبة
وعد: وليش يطردك، قابل انتة شطالب
ضرغام: متعرفين ابوية بعد، وامي طابكة ويا ورسول احاجي ضاربني بعرض الحايط، عمي اذا ماتستقبلني ابيتك كلي حتة اروح بدون مشاكل
ابو وعد: شبيك عمو ضرب عندك فيوز، شلون ماستقبلك غير ابن اخوية بس يا عمو هذا ابوك مايجوز تكسر احجايتة لازم تراضي حتة الله يوفقك ويرضة عليك
ضرغام: عمو ابوية ميفكر بية بس برسول، والله لو تشوف امي شلون تزن براسة تعذرة لان خرب علاقتة بيك'طيبة_الربيعي'
ابو وعد: وأن كان عمو، وماسمح لأي احد يدخل بيني وبين اخوية يوم يومين ونصالح وماريدكم تدخلون بعدين احنة نطلع منهة وانتو تبقون علة خلاف
ضرغام: عمي هسه اني لو طالب شي غلط لو حرام ماعتب عليه بس كل الطلبتة يخطبلي بنت عمي، واذا اختهة رفضت اخوية اني شنو ذنبي
ابو وعد: ميخالف عمو، واني ماكدر اطيكياهة بدون رضات ابوك، زحمة والله مايقبلهة، اصبر جم يوم خل تهدة الأمور وعود لكل حادث حديث
ترخصت وصعدت...لكيت مرام تبجي
وعد: كافي يا عيني، هسه علويش اموتة نفسج لتخافين اخوة ميطولون اسبوع ويصالحون، قابل يبقة الخلاف طول العمر، مثل مصبرتي طول هل سنين صبريلج كم يوم شحتخسرين'طيبة_الربيعي'
مرام: ميقبل عمي راسة يابس ومرتة فارة دماغة فر، هو حتى ابوية محترم رأيية واجاوز عليج
وعد: معلينة احنة اخوة بيناتهم، ومرة عمج متكدر تفر دماغة لان عمي ميمشي بكلام احد، هو عاند شلون ماوافق بأبنة وشلون ابوية مغصبني وردهم، مرام اذا تبقين معتكفة وتتصرفين هل شكل حتخلين بابا يشك وبوقتهة تزيدين الطين بلة، كومي غسلي وتصرفي طبيعي مناقصنة خلافات
مرام: مو بيدي وعد خايفة لا ميوافقون
وعد: شحجيت هسه اني ليش تعاندين، كومي عاد'طيبة_الربيعي'
كامت غسلت واني بدلت....نزلنة سوة كعدنة بالمطبخ وماما كلسع تجي وتروح...طبعا تحس ومن تسألني انكر اكلهة ماكو من هل حجي بس هو يريدهة بنت عمة...
طلعنة لأربيل العصر وضرغام ويانة همزين اجة لان بابا خطية ايدة تتعب من يسوق هواية.... خطية اشوف النظرات بيناتهم تقهر... مابيدي شي ماكدر اوافق برسول واعرف المشاكل حتزيد متنقص...
بتنة ابفندق لان بيت خالتي صغير ويادوب مكفيهم... رغم مقبلو وخطية لحو علينة انبات مقبلنة.... تونسنة بشكل وخالتي فرحت بجية ماما صارلهن هواية ممتشاوفات بالأشهر...'طيبة_الربيعي'
أنت تقرأ
عيون الريم ونظرات الصقر
Romanceونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
