#عيون_الريم_ونظرات_الصقر
#طيبة_الربيعي
||البارت الثاني||
باوعتلهة شلون رافعة حاجبهة...بلحظتهة كلت بكلبي شهل صلافة عبالك بنظرتهة تكلي ليش تباوع
سعاد: استاذ غضنفر شعجب مرحبت بالاستاذة وعد، يلة مو مشكلة اعرفكم ورحبو ابعض بعدين ههه
طبيعة سعاد مرحة وتحب تلطف الجو بكل الاوقات
كمت: العفو منج ست وعد، منتبهت عليج
حبيت اغيضهة مثل ماغاضتني بنتظرتهة، بس باوعتلي بثقة وصدمتني من كالت
وعد: لا اني اعتذر لان مشفتك'طيبة_الربيعي'
رفعت حاجبهة عود رديتهة الك لو لا...ماتحملت اضل مبتسم...حديت نظرتي ورجعت كعدت...سعاد حست الجو متوتر غيرت الموضوع...واخذتهة وراحت...
اوف شلون عيون بس عليش شايفة نفسهة قابل بس هية انخلقت حلوة
[قد حار الفڪرُ في جمالِ عيناكِ
متعجباً أيعقل إن أعيُنَ يوسفٍ قد توّارثت]
وعد ...من اول يوم دخلت بي للجامعة حسيت بنظرات الجميع متوجهة بأتجاهي...طلاب طالبات اساتذة...حتة العميد...'طيبة_الربيعي'
من دخلت سلمت عليه باوعلي متفاجئ...استغربت يعني معقولة بس اني استاذة جديدة جامعة شكبرهة شعرضهة...
العميد: تفضلي ست وعد، نورتي الجامعة واهلهة
كعدت وخليت رجل علة رجل: اشكرك استاذ سمير منورة بأهلهة
استغربت اسلوبة كلش حلو ويشاقي ومنطلق بالحجي...رجال جبير مشيب بس وقور وكلش محترم...نظرتة الي جانت نظرة استغراب مو غير شي...عكس الآخرين...وصار عندي فضول اسألة...
وعد: استاذ قبل لا اروح ممكن سؤال
سمير: تفضلي'طيبة_الربيعي'
وعد: لتفهمني غلط بس من دخلت حسيت الكل مستغرب جيتي وانتة همينة، تفاجئت من شفتني
ضحك ونزع مناظرة: واللهي حقهم يتفاجئون اذا عميدهم تفاجئ، اول مرة تجينة استاذة بهل عمر وبهل اناقة والجمال، لتفتهميني غلط انتي بحسبة بناتي ومن شفتج هيج تفاجئت، الاساتذة النساء اغلبهن كبار بالعمر ومو كلش ذاك الجمال
استغربت وكلش خجلت...ياريتني مسألت...بس مكدرت مابتسم...
وعد: مو لهل درجة، اشكرك استاذ على كلامك الجميل واستقبالك الأجمل'طيبة_الربيعي'
كمت...ترخصت وطلعت...فتت للغرفة الي خبرني يكون بيهة مكتبي...دخلت شفت اساتذة تلاثة...نساء ثنين ورجل واحد...
كامو كلهم رحبو بية ومبينين كلش حبابين... بس وحدة محبيتهة سلمت من ورة خشمهة...مهتميت رتبت مكاني وهمة يسولفون وياية منين اجيتي وليش انقلتي وووو....
مر اليوم بشكل طبيعي مع نظرات غريبة...طلاب واساتذة استحيت بس مابيدي شي اسوي...بمرور الوقت حيتعودون علة شكلي ويبطلون ينظرولي بهل طريقة...'طيبة_الربيعي'
أنت تقرأ
عيون الريم ونظرات الصقر
Romanceونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
