#عيون_الريم_ونظرات_الصقر
#طيبة الربيعي
||البارت الحادي عشر||
وعد: اني كنت متزوجة سابقاً وانفصلت
غضنفر: شنو
وعد: زواج فاشل لان بعمر مو مناسب، من جنت 18 سنة زوجني بابا لأبن صديقة لان يعرفة وعساس حباب، بس معرفت شلون اتحمل المسؤولية، صعب واني بعمر مابي اي خبرة عن الزواج، وهو جان ميعرف يتصرف عمرة 22 وطايش، انفصلت ورة كم شهر
غضنفر: صدك لو تشاقين؟
وعد: ليش اشاقة، شبيك غضنفر'طيبة_الربيعي'
سنية ومطلقة.... شيقنعهم! وانة شلون راح اوكف بوجه ابوي واخذ مطلقة وانة مامزوج قبل
غضنفر: وعد ليش ماكتيلي، بربج هسه يلة تفتحين هذا الموضوع وياي؟
وعد ...رجعت ملامحة انكلبت.... اسوء من ردة فعلة من عرف مو من مذهبة.... توقعتة حيتقبل هل شي لان يحبني بس تفاجئت بي من حجة بعصبية
وعد: شوكت افاتحك بي واني هسه يلة بديت اتعرف عليك عن قرب، يعني من اول مرة اخبرك بكلشي عني؟
دار وجهة وصفن واني اباوعلة منتظرة رد يفرح كلبي بعد ما انقبض قبضة مؤلمة
وعد: غضنفر
دار علية يباوعلي بس مجاوب
وعد: احجي ليش ساكت'طيبة_الربيعي'
غضنفر: شحجي وعد شحجي
وعد: صعب تتزوج وحدة مطلقة مو؟
دخلت اثمار.... باوعتلة اخذ كرسية وكام....كلبي وجعني واحس الدمعة تريد تنزل....ههه حتة لو يحبني....اني اعرف مدام اسمي مطلقة اهلة مراح يقبلون...ولا هو.....
اباوعلة اريدة يرفع راسة ويباوعني... اريدة يطمني بنظراتة انو عادي ميهمني المهم احبج وتحبيني.... بس ماكو....
طول اليوم مشفتة بعد...من قهري حتة الدمع مينزل الخنكة محصورة بكلبي.... رجعت للبيت ضايجة ومالي نفس احد ولا الي نفس اكل.... سديت علية باب الغرفة ونمت...
كعدت وية صلاة المغرب من سمعت الاذان....بسرعة جريت فوني اباوع رسالة او مكالمة منة... تفاجئت من ملكيت اي شي... نزلت دمعتي عالشاشة...يعني هذا هو...بهل سهولة تخلة عني؟'طيبة_الربيعي'
وين حبك وين احارب الدنيا علمودج....
داومت ثاني يوم ميباوع بوجهي ويجنبني... واني ساكتة واراقبة...اراقبة ولوعة بكلبي لا اكدر احجي وانزل من نفسي لان هو الي ديبتعد...ولا اكدر ابقة ساكتة لان كلبي ديوجعني واحس بفشلة من نفسي...
ماريد ارجع اكلمة ويكول تذب نفسهة علية... رجعت للبيت مصدومة لا يباوعلي ولا يحاجيني...اليوم الورا هم نفس الشي اني ساكتة وهو ساكت...اباوعلة اتمنة ولو ينظرلي نظرة وحدة اتأكد من نظرتة حبة صدك لو بس حجي.... بس مع الأسف حتة نظرة ماكو....
اسبوع كامل اني مصدومة ومريضة بس اداوم علمود اشوفة... صار الليل مينجرع وخنكة... ممصدكة غضنفر يتخلة عني بهل سهولة ماكدر ماكدر استوعب شلون؟؟؟'طيبة_الربيعي'
أنت تقرأ
عيون الريم ونظرات الصقر
Romantizmونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
