عيون الريم ونظرات الصقر

بارت 10

#عيون_الريم_ونظرات_الصقر
#طيبة الربيعي
||البارت العاشر||

وعد: اتركني غضنفر الله يخليك
غضنفر بعصبية: اذا ماحجيتي والله هسه اروح اهد علة بيتكم، احجي!
وعد: ابن عمي ضربني لان اجاوزت عليه

ورجعت تبجي....فار دمي وحلفت اذا ماخذت حقهة اطلع ناقص

غضنفر: وين بيتهم
باوعتلي: ليش
غضنفر بعصبية: وين بيتهم اكلج!'طيبة_الربيعي'
وعد: عوفة غضنفر والله مابية حيل مشاكل، بابا اخذ حقي ماكو داعي
غضنفر: اخر مرة هاي، بيتهم وين
وعد: غضنفر والله تصير مشاكل مالهة اول مالهة تالي، يعني مراح تستفاد شي تزيد الطين بلة، اكعد خلي احجيلك الموضوع شنو، الله يخليك اكعد

استغفرت ربي وكعدت

غضنفر: يا سكط هذا بلة كليلي
وعد: الجبير، من زمان رادوني الة بس اني ماطيقة ومستحيل اتقبلة غير كأبن عم و أخ، اهلي ميجبروني وبابا يكولي براحتج انتي تختارين ماجبرج بس عمي ضايج شلون بابا منطيني هل حرية وشلون يرفض ابن اخو ويفضل رأي بنتة، صارت مشكلة بين بابا وعمو بسبب هل موضوع وابن عمي اخو لرسول الي يريدني يحب اختي وتحبة، كلم اهلة يريد يخطبهة'طيبة_الربيعي' مقبلو ومرة عمي تحش براس عمي ورسول، ضرغام الي يحب اختي تعارك وياهم واجة يمنة صارلة فترة وذاك اليوم اجة رسول يريد يرجعة مقبل يرجع ويا، وقبل يومين رجعت للبيت لكيت عمي ورسول يمنة، صار حجي واني تلاسنت وية رسول وضربني، بس ضرغام مقصر ويا وبابا طردهم، بعدين راحلهم هدد رسول اذا يتقرب من بيتنة يشتكي عليه

صافن عليهة شلون تحجي بصوت مهزوز خشمهة احمر وعيونهة وارمة....ذني العيون الأموت بيهن هيج يتشوهن؟

غضنفر: انعل ابو لابو لشتة شنو غصب هية، انتي بس اطيني عنوان البيت والله قسماً برب العباد ادز عليه جماعة يفرون راسة بالكاع'طيبة_الربيعي'
وعد: لا غضنفر تكبر المشكلة ومحد يوكع بيهة غير بابا كلبة طيب وبسرعة ينقهر، يعني اني لو اريد اروح اشتكي عليه بس ابن عمي ومهما يكون عيب من الناس شيكولون علينة ولد عمام واخوة ويدخلون الغريب بيناتهم

مديت ايدي علة عينهة....تلمستهة توجعت

غضنفر: ولج باع شمسوي بيج، انتي ليش هيج خوافة
وعد: مو خوافة بس ماريد اكبرهة، لخاطر بابا ساكتة
غضنفر: وانة ماراح اسكت
وعد: غضنفر ليش تخليني اتندم من حجيتلك، تكدر تروح اخذ راحتك

دارت كرسيهة ودنكت عالميز

غضنفر: شنو طردة هاي؟'طيبة_الربيعي'

ماجاوبت

غضنفر: مو وياج
باوعتلي: ليش اكو شي بيناتنة حتة ابقة مكابلتك وكاعدة؟ نسيت انو اهلك ميسمحولك تعاشر الي مو من مذهبك؟

حجيهة طخ براسي وفور دمي

غضنفر: شكم مرة كتلج لا تعيدينهة هاي، فوك ما سديتي الخط بوجهي البارحة تنترين