عيون الريم ونظرات الصقر

بارت 13

#عيون_الريم_ونظرات_الصقر
#طيبة الربيعي
||البارت الثالث عشر||

رجعت للبيت راسي مسطور سطر.... ياربي دليني عالطريق الصحيح ماريد اغلط نفس الغلطة وارجع اتعذب واعاني... ورة ماخذتلي غفة كعدت العصريات.... نزلت سمعتهم يحجون بالهول
'طيبة_الربيعي'

ضرغام: عمي والله تعبت صارلي سنة منتظر، يعني شسوي اذا ابوية ميبس راسة ويمشي ورة حجاية امي
ابو وعد: شسوي يا عمو خوما اكلك اخذهة وانوب تزيد المشاكل، ابوك وامك اذا مراضين متتوفق
ضرغام: خلي ليوافق اني ممسوي شي غلط همة مسويهة شغلة اعناد، اني اروح احاجيهم واذا هم مارضو هاي هية ازوجهة وخل شيصير خل يصير
دخلت: بابا صار سنة الولد منتظر وعمي لحد هسه بنفس الرأي ممغيرة، شمنتظر انتة كولي
ابو وعد: ولج بابا شايفتلج واحد اخذ وحدة بدون رضاة اهلة وتوفق؟

اذكرت غضنفر.... بس غضنفر محاول عالأقل يقنعهم... يومين تلاثة وطفر هههههه اضحك علة نفسي مدري عالسواه بية'طيبة_الربيعي'

وعد: بابا اذا وافقت برسول حترجع علاقتكم طيبة وضرغام ومرام يتزوجون بدون مشاكل، صالح عمي واذا شفت بعدة علة نفس الشرط اني موافقة
ابو وعد بعصبية: شبيج انتي تخبلتي؟ انطيج لواحد همجي مثل هذا وفوكاهة مو برضاتج
وعد: بابا هذا هو هل مرة اني اختاريت وياريت تحترم اختياري وتوافق عليه، رسول مابي شي عيب غير عصبيتة وانفعالة وانشاءلله يختفن بمرور الوقت اني احاول ويا والله كريم
ابو وعد: سكتي انتي هم صايرة مدري شلونج، ماكو هيج حجي
ام وعد: خليهة يا عيني الولد ميتعيب وصارلة سنين رايدهة خطية حرام تكسر بخاطرة
ابو وعد: شأكسر بخاطرة هو الزواج لعبة؟
وعد: مو لعبة اكيد ورسول ناضج ومو ملعب علمود يفشل، بابا رجاءا زعلتك وية عمي طولت سكت حلوك الي يتشمتون وصالحة انتو اخوة'طيبة_الربيعي'
كام وحجة بعصبية: اكلج سكتي هنا كاعدة ابيت ابوج معززة مكرمة مخبل اني واوديج يم واحد مثل هذا، هذا الموضوع ينسد ومينفتح كدامي بعد والا قسما بالله متشوفون خير مني

راح للغرفة عصبي نار

ام وعد: عوفو هسه من يهدأ يفكر بالموضوع عدل
ضرغام: عمة اذا مارضو اخذهة واشرد
ضحكت: دكعد راحة يا عمة لتصير علينة كرندايزر
ضرغام: والله يمكن اسويهة، شتكولين وعد، وعد

انتبهت يحجي وياية

وعد: ها
ضرغام: وين بالج بنت عمي خليج ويانة
وعد: وياكم حبي وياكم

يسولفون واني بعيدة كل البعد عن سوالفهم.... بليل طلع بابا يتعشة وساكت ميحجي.... ماما كالت حجيت ويا خلي يوم يومين ويجي هو يحاجيج....واني هم عفتة بعد كلت براحتة اني وحدي متفاجئة بقراري هذا....'طيبة_الربيعي'

شراح يريحني وية رسول ماعرف شلون اعيش وية انسان همجي مثلة....ورة يومين اجاني بابا

ابو وعد: وعد راح اخليج هل مرة انتي تختارين بنتي، بس خلي ابالج رسول مترتاحين ويا ابن اخوية واعرفة واعرفج انتي مو مال واحد مدارس وانفعالي، بس ارجع واكول هاي حياتج وانتي حرة مستحيل ارجع وادخل واورطج مثل ذيج المرة
شلت ايدة بستهة: باباتي اني شعندي غيرك صدك كل التسوي انتة علمودي المصلحتي، بالعكس ماضوج من تسوي هيج لان اعرف نيتك بيضة وتتمنى سعادتي، واني هل مرة متأكدة من قراري والنتائج اني اتحملهة بس متأكدة حكدر اغيرة لرسول، ماكو بينة انسان ميخطأ بس اكو اليتغير وميعيد الغلط نفسة، اني ترباتك بابا لتتوقع اتخذ قرار اني ممتأكدة منة'طيبة_الربيعي'
باسني براسي: الله يحفظج ويوفقج يا بابا ويرزقج الانسان اليسعدج ويحبج ويقدرج، هذا هو انشاءلله بأقرب وقت اروح اصالحة
وعد: حبيبي الله يحفظك انشاءلله