#عيون_الريم_ونظرات_الصقر
#طيبة الربيعي
||البارت التاسع عشر||
غضنفر: هذا منو
غضنفر باوعلي متخبل خفت لا اكلة ويضربة.... لان سمع صوتة الرسول برة شلون يكلم أبوية بقلة احترام
وعد: خيولي اتركة
كام كمت ورا
غضنفر: لاتجين انتي كعدي
خزرني وطلع....ركضت لامي واكفة تسمعلهم
وعد: ماما هذا غضنفر مخبل هسه يتكافش ويا
ام وعد: معليج انتي لتدخلين هم عوزهة اطلعين وتتكافشين وياهم'طيبة_الربيعي'
وعد: يووو ماما داكلج مخبل هسه يكبرهة
ماما شافتني جدية.... لبست ربطتهة وطلعت...واني اسمعلهم
غضنفر ...رديت للناصرية حاجيت اهلي واخذت امي وخواتي ثنينهن وطلعت البغداد.... طبعا امي بس ادردم ماتكول ابني فرحان ليش اخرب فرحتة ابد...
خبصتني الله اليعلم شمسويتلك وهيج متخبل عليهة وامهات بغداد مو راحة وووو حجي ماينلبس عليه ثوب.... وانة ساكت لان امي شأحجي وياهة... خواتي ثنيهن فرحاناتلي شروق وحسناء....حسناء المتزوجة من زمان....
من وصلنة البغداد بنفس اليوم وديتهن البيت اهل وعد.... من اجني امي شكلهة ماراضية وتحجي من ورة خشمهة
غضنفر: اي شكالو شحجو
ام غضنفر: كتلهم ابني متزوج وعندة بنية وماضميت علهيم شي، المرة كالت احاجي ابوهة واردلكم خبر، ماعجبوني فاهين
حسناء: والله ياخوية البنية مبينة درة مال الله، جمال واخلاق مسمعنة حسهة'طيبة_الربيعي'
شروق: شلون خلقة فدوة، جا مثل شكرية العوجة
ام غضنفر: ياااا شكرية احلة منهة بقاطات
غضنفر: ها يمة شو ادافعين الشكرية، سترك ربي شنو راح تقوم القيامة
ام غضنفر: الحق ينكال
حسناء: ثنينهن حلوات بس وعد احلة ودمهة يلعب لعب، ماشاءلله الله يحفظهة
بيومهة الراحة النزلت علة كلبي ماتونصف....بس من كلتلي وعد امك معاجبهة تحاجيت وي امي....طلعت شكو بكلبهة وكامت تغلط علة وعد
غضنفر بعصبية: يمة لخاطر الله انتي ماتهمج فرحتي، يعني تشوفيني مامرتاح وي شكرية ولا غيرهة ليش ماتفرحيلي مو حتة الله مايرضاهة، انة وعد احبهة لو منا لعشرين سنة اضل رايدهة وراغب بيهة، بعد هل حجي ماريد اسمعة ولا اريدة ينحجي كدامي
رجعتهن للناصرية ورديت بليل.... ضليت احجي وي وعد بس ضايج وحسيت مشتاقلهة هوااي....ومارضت تفتح كامرة ردت بس اشوفهة....وهم مارضت اخذهة واطلع....حقهة بس انة هم حقي.... من امي كلتلي الرجال يريد يتعرف عليك بالأول حرت شسوي....
رحت زينت ورتبت نفسي وكشخت، استقبلني بكل رحابة صدر وسألني وين عايش ومن هل حجي.... حجيتلة كلشي ماضميت عليه ولا حرف
'طيبة_الربيعي'
أنت تقرأ
عيون الريم ونظرات الصقر
Romanceونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
