#عيون_الريم_ونظرات_الصقر
#طيبة الربيعي
||البارت التاسع||
طلعت ادورهة مالكيتهة... رجعت للمكتب حسبة اجيبني وحسبة اتوديني.... توقعت ترجع تاخذ كتبهة بس مارجعت...اجتي اثمار ووراهة اجوي سعاد وايمن...مالي خلك احجي اخذت كتبي وطلعت...
خلصت محاضراتي وهية ماكو...اجة وكت الغدة كعدت بالمكتب انتظر...الجماعة راحو يتغدون وانة منتظرهة... شوية وطبت راحت لمكتبهة...كمت تقربت من ميزهة'طيبة_الربيعي'
غضنفر: وعد
ماردت
غضنفر: مو وياج
وعد ...ضايجة ومالي واهس ردتة يطلع علمود ادخل اخذ كتبي...للظهر اني اخفي بنفسي منا ومنا علمود مالتقي بي...ومن شفتة طلع من المكتب دخلت... اجتني سعاد تحجي واني بالي ابد مو يمهة...
خلصت محاضرتين ورجعت للمكتب ارجع كتبي واذكرت نسيت فوني...اجة يحاجيني واني الدمعة بعيني كوة لازمتهة... التفت عليه'طيبة_الربيعي'
وعد: نعم استاذ غضنفر رايد شي؟
غضنفر: لا تكليلي استاذ
وعد: تفضل
غضنفر: وعد لاتسوين هيج، خلينة نتفاهم
وعد: ماعتقد اكو شي نتفاهم عليه
ردت اطلع لزم ايدي وهاي اول مرة يسويهة... باوعت لأيدي اللازمهة ورجعت باوعتلة بعتب
غضنفر: بس احاجيج، لاتكسرين خاطري
جريت ايدي: شتريد
غضنفر: تعاي كعدي خل افهمج وبعدين حكمي براحتج'طيبة_الربيعي'
وعد: مابيناتنة كلام بعد هذا هو اني مو من ثوبك والظاهر ميعجبك الي مو من مذهبك
غضنفر: استغفرالله، ليش تعصبيني! اكلج تعاي نتفاهم، كعدي!
عصب خفت... كعدت بمكاني ومكدرت اتصنع القوة... منتظرة منة تبرير يبرد كلبي بس ماعتقد اكو...
كعد مقابيلي وجر حسرة
غضنفر: ابد ميهمني من يا مذهب وداعة الوالد والوالدة، بس الاهل من هذا النوع اليدقق بالتفاصيل ويهمة من يا مذهب، يعني صدمتيني مامتوقع سنية لاتفتهميني غلط، ماحسبتلهة حساب وحاير شلون اقنعهم، وعد حطي ابالج اني متمسك بيج لآخر نفس بعمري وماخلي اكبر واحد يمنعني منج بس المسألة مسألة وقت وصبر، ويضلون اهلي ماكدر اخالف كلامهم وخاصة والدي شيخ عشيرة والة كلمتة وقدرة، لازم تفتهميني مو بسرعة تحكمين وتضوجين
'طيبة_الربيعي'
انقهرت يعني سالفتنة داجة...صح تسرعت بس تبريرة قلقني وقهرني اكثر مبينين اهلة متشددين ويخوفون
وعد: يعني طائفيين
غضنفر: لاا، هاي سالفة طويلة عريضة ماريد ادوخج بيهة
وعد: دوخني هسه ولا بعدين، غضنفر افهم من كلامك انتة مراح ادور وياية زواج واني ماكدر ابقة وياك اذا هيج
غضنفر: شنو مادور وياية زواج؟ اشايفتني مراهق لو ملعب؟ عيب تحاجيني هيج
وعد: وليش تعصب، هذا واقع، يعني تكلي اهلي ميقبلون الة من نفس المذهب ووالدي شيخ عشيرة والة كلمتة، شتريد افهم من كلامك؟ اكو امل يعني؟ اكيد ماكو'طيبة_الربيعي'
غضنفر: ليش تفسرين علة مزاجج
أنت تقرأ
عيون الريم ونظرات الصقر
Romanceونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
