#عيون_الريم_ونظرات الصقر
#طيبة الربيعي
||البارت التاسع والعشرون||
غضنفر ...طلكتهة لهل نذلة بعد ما خليت عمي يطيح حظهة كدامي.... لزمو ابوي ومؤمل واخوتهة هم يردون يهدون عليهة وبالكواة لازمينهم....
من شفتهة تريد تموت ارتاحيت نفسياً.... نايم والمي تجري من الجواي مادري شيصير شيدير ابيتي ووي نسواني....وحدة تتمعشك من وراية وتخوني والثانية اضم علية وخالتني مثل الأطرش بالزفة...
طلكتهة واخذت وعد.... من البداية انة ناوي احرك كلبهة بوعد بس الساقطة صدمتني...كايلة العمي ماريدهة خل ياخذهة....
ويطبج عرج اجتني من الله هو انة ماريد بنتي تتربة يم وحدة بايعة الأول والتالي...'طيبة_الربيعي'
عمار ماحاجيتة بعد كطعت علاقتي بي فد نوب... اجاني جم مرة يريد يصالحني وانة مارضة اشوفة... عايش بين حياية انة والله عمي طلعت انة الاثول والغشيم...
بس منا وجاي ماكو غضنفر اليخاف الله بيهم...الله ماكال صير اثول وامشي ورة حجاية هذا وذاك اطاني عقل وكال فكر واتصرف...والله مادري شلون جنت متحمل كل هاي الفترة مضروب براسي مدري مدمغ... التفت الجهالي والبيتي احسلي...
وعد شايل عليهة بكد رحمة الله.... شلون كدرت تضم علية شلوووون... اريد اعاقبهة بجفائي ادري بيهة تموت اذا اتجاهلهة ومانطيهة مجال....
أمير ملة علية الدنيا بعد وعد الصغيرة... بس ذولي الثنين اضحك من كل كلبي من اشوفهم...اشوف وعد الصغيرة تعودت علة وعد وماتفاركهة وذيجة هم نفس الشي تنومهة بحضنهة توكلهة تسبحهة...
مرتاح من هل ناحية بس ضلت المشاكل بينهة وبين امي يومية كابة العيطة.... بس اليوم سمعت وعد وامي يتعاركن بصياح...هاي تحجي كلمة وذيج ترد بعشرة...
وعد ماتحترم لسانهة طويل وانة ساكتلهة جي احبهة...بس مو تجاوز وتقلل احترامهة وي امي حتة لو عالت بيهة... وانة هم طكت روحي من امي وسوالفهة لهسه حاطة براسهة اخذ بديعة....
لو اعرف آخذ خدامة من بنكلادش ولا اخذ بديعة العوبة...فتانة وخبيثة ولسان.... عبالهن مادري بسوالفهن ميدرن انة اسمع واشوف بس اسكت لخاطر ماتكبر المشاكل...
صعدت وعد وانة حاجيت امي'طيبة_الربيعي'
غضنفر: يمة شلون وياج فهميني، اخذهة واطلع لخاطر ترتاحين ويضل البيت الج، لا وعد تزعجج ولا غيرهة، كليلي شتريدين لخاطر محمد
ام غضنفر: اي انتة مابيك خير بس علة امك ماتحجي وي ذيج ام السان الرشاشة
ابو غضنفر: يا مرة بسج عاد عوفيهم بحالهم ترة مرمرتيني والله خليتني اتندم اسمع كلامج
ام غضنفر: شو اجيتو علية انتة وابنك، مايروح يربي ذيج المامترباية عبالك بنت شوارع مو بنت ناس عرررمة
غضنفر بعصبية: يمة طككتي مرارتي، اخذهة واطلع لو شلووووون فهمييينيي، طلعتو روووحي مووتوووني
أنت تقرأ
عيون الريم ونظرات الصقر
Romanceونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
