#عيون_الريم_ونظرات_الصقر
#طيبة الربيعي
||البارت السادس والعشرون||
غضنفر ...مرتاح شكرية ماكو كلة يم مريتي الحليوة.... انة من طبيت وشفتهة مامهتمة لوعد تخبلت وانوب بنفس اللحظة من شافتني وكعت وانضربت بشفتهة....
وديتهة لاهلهة كلت العمي كيت وكيت وانة ماريدهة بعد....كلي استهدي بالرحمن وانة اطيحلك حظهة... وعد امرمتني ساعاتهة مو سوة وانوب من رديت شكرية لخاطر وعد استحيت من عمي كلي اذا عادتهة بس كلي انة اشوفهة انجوم الظهر ومنا ابوي يضغط علية....'طيبة_الربيعي'
رجعتهة ورجعت المشاكل وياهة.... وعد اكيد ضاجت صعدت وراهة لكيتهة نار وشرار اعرف اذا كبت بوجهي هسه اكتلهة لان انة هم روحي واصلة لخشمي....
اخذت تراكسود وطبيت للحمام.... سبحت وطلعت مالكيتهة بالغرفة لا هية ولا وعد الصغيرة.... بدلت ونزلت شفتهة تسوي عشة بالمطبخ ووياهة عذراء
غضنفر: عذراء امي وين
عذراء: ذيجة يم عمي كاعدة، تريد شي؟
غضنفر: لا سلامتح بس استعجلولنة بالعشة
عذراء: تدلل'طيبة_الربيعي'
غمزت العذراء واشرت علة وعد....اشرتلي يعني دير بالك تدنة مطنكرة.... ضحكت وطلعت....ريمتي تغار علية فدوة الغيرتهة بس مأذيتني حيل متعود علة ريحتهة شلون اذا اطنكر اديح....
تعشينة وهية كاعدة علة نار ادري بيهة تاكل وكلسع تباوع الشكرية....يابوية شكد مطنكرة عليهة ههههه...
ورة العشة شربت جاي وصعدت وراهة...المفروض الليلة الشكرية بس ماريدهة ولا طايقهة مو مال احترام هية بصوب وانة بصوب ثاني....
فتت للغرفة شفت وعد تبدل بطنهة تخبل صايرة دعبلة... سديت الباب وتقربت خليت ايدي علة بطنهة... ماطت اي ردة فعل... حاوطتهة من ورة وايدي علة بطنهة وراسي بركبتهة
غضنفر: جا الريمة يومية زعلانة، هيج انديح احنة وين نولي
وعد ...كلت ماسوي مشكلة ويا هو ماالة ذنب بس مقهورة وهل مرة حخليهة علة الله لان تعبت اني احبة وداتأذة وأذي من اتصرف بهل شكل....
عذراء من حجت وياية كتلهة روحي طالعة لتكلميني... دخل للمطبخ وحجة وية عذراء ومحجة وياية بسيطة غضنفر افندي اني وياك والزمن طويل...
تعشيت وكاعدة علة اعصابي لان علة نفس السفرة وية شكرية.... هية تباوعلي واني اخنزرهة شفتهة استغربت لان مداعاملهة زين.... تستاهلين يا خاينة يا متخافين ربج...'طيبة_الربيعي'
اكو وحدة شريفة بنت ناس تخون زوجهة؟ بس الساقطة حشة السامع تسويهة....صعدت ورة العشة خضيت جسمي عالسريع حارتلي ودابدل بعدني ملابسة الثوب دخل غضنفر...
سويت نفسي ممهتمة بس هو اجة حضني وغمر راسة بركبتي....مبعدتة ولا سويت شي اريد استعمل ويا اسلوب البرود اشوف يفيد لو لا ولو متأكدة كلشي ميفيد
أنت تقرأ
عيون الريم ونظرات الصقر
Romanceونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
