عيون الريم ونظرات الصقر

بارت 16

#عيون_الريم_ونظرات_الصقر
#طيبة الربيعي
||البارت السادس عشر||

وعد: سلام عليكم

تعدل بوكفتة وراح لجهتة
رسول: صعدي

بس لا شافني وية غضنفر اوف مابية حيل ابرر ولا اسفط حجي....صعد هو واني هم صعدت.... شغل السيارة ومشة

رسول: منو هذا
وعد: منوة
رسول: الجنتي واكفة ويا

نبرتة متبشر بخير

وعد: استاذ وياية
رسول بعصبية: والاستاذ عادي يلزم ايدج!
باوعتلة: وليش تعيط
رسول: شعندج ويا!
وعد: لتعيط كتلك
رسول: اعيط واكسر راسج متفكين حلكج! بسيطة طلعتي مو مال احترام رب المكو...

انصدمت من نطق هل كلمة وقصدني بيهة...تخبلت

وعد: احترم نفسك رسول مو طفلة عشر سنين وتحجي وياية هيج!
رسول: اكلي .... نوصل واشوف ابوج الشفية شنو رأية بمكو... بنتة
وعد: احترم نفسك اكلك! نزلني!
رسول: انلصمي مو صوجج والله صوج ابوج الطرطور مخليج علة حل شعرج، بسيطة تصيرين يمي لو لا
وعد: علة السويتة هسه تحلم اصير يمك يا متخلف

مد ايدة وضربني علة حلكي دفعتة وعيوني دمعن

وعد: لك انتة واحد همجي مخبللل نزلللللني

بقة يغلط ويفشر حجي مينلبس عليه ثوب واني خنكتني العبرة واريد ابجي ماكدر مصدومة بحركاتة.... يمد ايدة علية ويغلط... هذا مريض نفسي....'طيبة_الربيعي'

وصلنة للبيت نزلت وهو مستمر يغلط....فتحت الباب وفتت للهول كبل لكيت ابوية وامي كاعدين

وعد: وتراب جدو اذا مخلصتوني من هذا المخبل اكتل رووووحي
ابوية كام مفزوع: شبيج بابا

دخل رسول

رسول: لج ساق.... واكفتلي وية الزلم برة ويتلمسون بيج وتبيعين شرف براسي والله احط طلقة براااسج
وعد: سد حلكك الوصخ يا قذر من تصير باخلاقي وشرفي افتح حلكك واحجي يا متخلف يا همجي
تهجم علية ابوية دفعة
ابو وعد: لك حيوان اكسر راسك واشك حلكك اذا تمد ايدك وتحجي عليهة، سااااقط!!!!!
وعد: متخلف همممجيييي

صار صياح بينة وبين بابا وبابا طردة وخابر عمي.... واني كعدت عالقنفة ابجي تعبت ياربي اخذ روحي ولا هذا العذاب....موتوني محد بيهم يسعدني لو يتركني بحالي.... مناك ذاكة الشفية جايني يدور فرص ومنا هذا المخبل البلوني بي

ابو وعد: ولج بابا شكو شصار فهميني
وعد: مخبل بابا هذا ابن اخوك ماكو براسة عقل، شافني واكفة وية استاذ وياية وتخبل ضربني علة حلكي بالسيارة وكام يفشر ويتهمني بشرفي

ابجي واحجي بابا احترك دمة وكام يغلط عليه

ام وعد: والله يحلم يشوف اضفرج بعد هل حيوان، طالع علة امة سبحان الله نفس الاخلاق ونفس اللسان الزفر