#عيون_الريم_ونظرات_الصقر
#طيبة الربيعي
||البارت السابع عشر||
وايد صارت علة حلكي بحيث مكدرت اعيط... المخزن ضواه خفيف بس ينشاف.... ادفع بي اريدة يتركني ماكو لحد ما تركني وسد الباب....
اندار علية وانصدمت من شفتة غضنفر واني لا حجاب ولا لبس مستور ثوبي قصير ومفتوح من الظهر ومن الصدر..... معرفت استر نفسي لو اعيط
وعد: انتة شتسوي هناااا
غضنفر ...عرفت زواج اختهة بعد اسبوع وقررت هاي هية بعد ماستعمل وياهة اسلوب حلو الظاهر هاي مدللة وماتمشي الة بالقوة....وانة اعرف بيهة وعد قوية ماينكدرلهة وهو هذا الشي الخلاني احبهة واميزهة بين النسوان....'طيبة_الربيعي'
قبل لا يبدي العرس طبيت للقاعة عود كرابتهم.... ضليت بالساعتين محبوس بالمخزن كلسع وحدة طابة طالعة وهمزين متسترات....بس ورة شوية كامن يطبن بدون وانة مجبور اباوع اشوف ياهي بيهن وعد.....
استغفرالله ربي شبعت ذنوب اليوم.... انة الج وعيدة... من طبت عرفتهة هية.... اويلي يابة مو مرة هاي والله فلك طرهة منين جاية.... جريتهة للمخزن اشم بريحتهة ونسيت اسد الباب....
عفتهة وسديتة.... دارت باوعتلي ضعت بعيونهة..... تحلم اعوفهة
غضنفر: كتلج وراج وراج، واذا مارضيتي هل مرة وروح كل ميت اشوفج وجهي الثاني
وعد: شتشوف شتشوووفني بعدددد، روح منا لتفضحني شتريد تشوه سمعتي!!
تقربت منهة: انتي راح تشوهين سمعتج بنفسج
وعد: غضنفر انتة مو هيج شغيرك
ردت اسوي شي ابد مو من مستوانة ثنينة بس من كالت هيج ابتعدت ووعيت علة نفسي....استغفرالله'طيبة_الربيعي'
غضنفر: وعد انة مامرتاح والله، لا عبالج صار عندي بنية ارتاحيت وية مرتي، احب بنتي واموت عليهة بس امهة ماطيقهة اشوفج انتي كدامي من تحاجيني وانقهر، انة السويتة بيج مو شوية بس السوو بية مو بكد السويتة بيج، والله ابوي جبرني ابوي انسان متسلط ومايهمة غير فلان وعلان شكالو وشحجو، جبرني اخذ بنت عمي لخاطر مايحجون عليه عمامي ويكولون يمشي بمزاج ولدة، ولان من زمان اجة وياي البغداد وتعارك وياهم لخاطري لهسه يذكرني بيهة عود انتة الخاربتني وية اخوتي ماترجع تسويهة مرة ثانية، يعني انتي كليلي اذا عندج هيج ابو حتة لو استاذة جامعية وحتة لو رئيسة الوزراء تكسرين احجايتة من تشوفي يوكع كبالج؟؟ نام بالمستشفى من كتلة انة راح ازوج سنية، انة ابد مو مثلة والله العظيم بس يضل ابوي واذا ماخذج بدون رضاتة ماراح اتوفق وياج، وباجر عكبة جهالي يردولي الصاع صاعين
وعد ...كلامة منطقي بس اني كلبي محروك من تركني وراح بدون مبرر....كلبي محروك لان احبة وهسه وبعد اموت بي ومستحيل اقبل بواحد غيرة بس كلشي اختلف هسه
وعد: غضنفر لو جايني قبل سنة وكايلي هل حجي اتقبلك وداعة بابا، بس هسه ماعتقد اكو شي يجمعنة، حتة لو بعدني احبك واني بعدني احبك اكولكياهة وماجذب عليك بس مو اسعد نفسي علة حساب تعاسة غيري، مرتك شنو ذنبهة اجيب عليهة ضرة، اولاً اني ماقبل اطلكهة وثانياً ماقبل انزل علة ضرة مناقصني شي حتة اتحمل اشوفك وية غيري واني علة ذمتك'طيبة_الربيعي'
غضنفر: وعد انة مارايدهة من زمان حتة هاجرهة وهسه الطفل هذا وكع سقطت، المفروض اضوج لان ابني بس ماضجت بكد مافرحت ماريد من غيرج خلفة، والعباس لو ما والدتي تحرك ابوي ماكربلهة بس شسوي خفت علة صحتة بس هسه شفت مايهمهم غير مصالحهم وانة مامخليلي اعتبار
وعد: مالي دخل بأهلك هسه، مانزل علة ضرة اني
غضنفر: هاي هية اطلكهة
وعد: مو انتة تعرف البنات هناك ماالهم كلمة لان فقيرات فكلت يلةةةة ميخالف هاي عود انتة استاذ جامعي ومثقف، والله طلعت على حقيقتك
أنت تقرأ
عيون الريم ونظرات الصقر
Romanceونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
