#عيون_الريم_ونظرات_الصقر
#طيبة الربيعي
||البارت الثالث والعشرون||
وعد ...حبيبي راح للشغل واني كمت رتبت الغرفة ونضفتهة رغم مابيهة شي بس احب ارتب احسن من الكعدة....
طلعت عمتي وجههة ثكيل علية كالعادة يعني مو شي جديد....هسه لو احس بيهة تحبني ولو قليل او مخليتلي اعتبار جان تنازلت ورحت اعتذرت منهة رغم هية الغلطانة....ساعدت عذراء بالشغل كتلهة تكعد اني اشتغل
عذراء: لا والله ماعندي شي اصلا اضوج من الكعدة
وعد: عذراء انتي حامل تدرين اذا تشيلين بهل ثكل وادنكين حالتج تسوء، ديري بالج عالبيبي لتستهينين لا بنفسج ولا بي، الشغل لاحكين عليه واني موجودة مدام ماعندي شي اني اشتغل مو عيب ولا حرام بالعكس نضافة وحيوية
شبكتني وباستني: وعد انتي انسانة فريدة والله، نيالة الغضنفر عليج واعية ومثقفة ومعدلة
وعد: حبيبتي عذراء طيبتي وياج بسبب طيبتج وياية، لان انتي انسانة حبابة اني لا ارادي اتعامل وياج بطيبة'طيبة_الربيعي'
عذراء: اموت عليج انتي ومؤمل
ضحكت: يلة كعدي بيج خير سولفيلي حتة ماحس بملل
عذراء: يااا جا غير تدللين
اني انضف بالمطبخ وعذراء كاعدة تاكل ركي وتسولفلي..... عمتي طلعت مكالت وين رايحة وبس اني والبنات بالبيت...خلصت شغلي وكلت العذراء حسبح واجي...
صعدت سبحت عدلت نفسي ونزلت.... بطريقي فتت من غرفة شكرية الباب مفتوح وصوت وعد من تبجي عالي....دخلت راسي شفت شكرية كاعدة تباوعلهة ووعد تبجي
ابتسمت: يصير افوت
باوعتلي يمكن تفاجئت
شكرية: فوتي
والله هل بنية فقيرة ليش عمتي هيج وياهة....
دخلت باوعت الوعد
وعد: ليش تبجي
شكرية: مادري رضعتهة كمت افتريت بيهة ماكو فايدة موتتني'طيبة_الربيعي'
وعد: يصير اشيلهة
شكرية باستغراب وصدمة: شيليهة
سميت بالله وشلتهة.... يمة تموت اموووووع، فديت شلون نعومة وريحة طيبة....خليت خدي علة خدهة وغمضت عيني.... ياريت يصير عندي بنية هيج واشيلهة واحير بيهة
باوعت الشكرية الي بدورهة تباوعلي بعدم استيعاب
وعد: تعالي نطلع بالهول ليش كاعدة بالغرفة
شكرية: لا ماريد خليني هنا احسلي
خطية تحجي بقهر....اكيد من ورة عمتي
وعد: ترة محد بالبيت بس اني وياج وعذراء ووعودة، يلة تعاي وموزين عالطفل يبقة محبوس لازم تشم هوة
شكرية: جا خوش'طيبة_الربيعي'
طلعت وهية وراية....دخلنة للهول افتر بوعد وشكرية يمي.... تباوعلي يمكن تخاف لا اسوي الوعد شي... حقهة عبالهة اني ضرة بمعنى الكلمة.....متدري اني انقهر عليهة اكثر من ما انقهر على نفسي....
أنت تقرأ
عيون الريم ونظرات الصقر
Romanceونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
