#عيون_الريم_ونظرات_الصقر
#طيبة الربيعي
||البارت الخامس||
ماردت انطي بيهة بس ردت اعرف شنو الخلة اثمار تشك....وتفتح هل موضوع وياية بالذات
غضنفر: ليش، اشايفة عليهم
اثمار: ماريد اشيل غيبة بس اشوف بيناتهم نظرات اعجاب ومرات افوت الكاهم يتهامسون ومن يشوفوني يسكتون
بلحظتهة وصلت لمرحلة ماكدر اكتم بعد خل شيصير خل يصير....يمكن هية تتصرف ويا بعفوية بس ياخذهة بغير طريقة....'طيبة_الربيعي'
طلعت لمحاضرتي ومن خلصت رجعت اعصابي تلفانة....شفتهن هية وسعاد كاعدات....اقنع بروحي لاتدخل شي ميخصك....لا يخصني ونص....
طلعت سعاد وانة ماعرف شلون ارفع راسي واحاجيهة....بس ماكدر لازم اعرف حتة الزم حدودي واطلعهة من دماغي....رفعت راسي شفتهة تباوعلي....سألتهة عكدت حواجبهة
وعد: شنو
غضنفر: ترة مو بس اني ملاحظ هل شي، ختلاتكم وحجيكم بهمس والنظرات'طيبة_الربيعي'
وعد ...من كال ختلاتكم حسيتة يكلي انتي رخيصة.... وصلت حدهة خلاني اغلي وانفجر
وعد بعصبية: استاذ غضنفر وصلت حدهة تحملت معاملتك السيئة ونظراتك القاتلة بس مال تتهمني بشرفي ماسكتلك! عيب واذا ماعندك خوات عندك ام!
غضنفر بعصبية: معجبج كلامي لان واقعي
وعد: شنو مفكرني؟ شلون تكلمني بهل طريقة؟؟ ان كان واقعي او لا هل شي ميخصك! وياريت بعد متكلمني ولا تهتم الوجودي'طيبة_الربيعي'
عفتة وطلعت فايرة اغلي غلي....معقولة اني وعد يطلع علية هيج كلام....ومن انسان مستحيل اتوقعة ماخذ علية هل نظرة....
مر اليوم واني ابد ممباوعة لأحد بيهم حتة سعاد من اجت حجت وياية كتلهة عوفيني تعبانة ومالي مزاج اناقش...اجنبت ايمن ماريد سمعتي تصير بالكاع بسبب نظرات العالم الخاطئة....
لكن ورة يومين بس اني ويا وايمن بالمكتب....اجة ايمن كعد مقابيلي'طيبة_الربيعي'
ايمن: خير ست وعد شصاير
وعد: ولا شي استاذ ايمن
ايمن: شلون ولا شي، صارلج جم يوم متحاجينة وتتهربين من احاجيج، خوما بعدج ضايجة مني ترة نسيت الموضوع والله
باوعت لغضنفر يباوعلنة بعصبية....انحرجت واريدة يروح مني....هو الرجال كلشي ممسويلي بس الافندي طلع علية حجي مينلبس عليه ثوب
ابتسمتلة: لا صدك نسيت، بس مشاكل عائلية وتعبانة من التدريس كلشي ماكو، شغلات طبيعية تصير وية اي انسان'طيبة_الربيعي'
ايمن: لتهتمين ماكو مشكلة ومالهة حل، فترة وتعدي
بقة يسولف واني اضحك علة سوالفة....جداً حباب ومبين ناسيهة للشغلة...شوية وطلع بدت محاضرتة
غضنفر: من اكلج بينكم شي تنكرين واطلعيني غلطان
باوعتلة القلم بيدي...اضغط عليه افرغ غضبي...بعد شوية وينكسر'طيبة_الربيعي'
أنت تقرأ
عيون الريم ونظرات الصقر
Romanceونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
