#عيون_الريم_ونظرات_الصقر
#طيبة الربيعي
||البارت السابع والعشرون||
مستمر علة هل وضع لا كلمة ولا غير حركة لحد ما بعد راسة باوعلي واني عيوني مدمعة
غضنفر: تبجين لان اتقربلج
اشرتلة براسي لا ودموعي خانني وجرن
غضنفر: جا شبيج
وعد: تعبت
تنهد وكال: مو بكدي'طيبة_الربيعي'
وخر مني ونام بصفحتة انطاني ظهرة...مديت اصبعي علة ظهرة وامشي برسوم شخابيط
وعد: خلي نطلع ابيت وحدنة، اني ارتاح وانتة ترتاح واهلك يرتاحون
غضنفر: و شكرية
اجيت اكلة...زلة لسان...بس كلت محد يوكع بيهة غيري يصدكوني ويكذبون بنتهم؟ اكيد لا...
وبعدين شكرية حبت مكفرت بس الي سوتة ميجوز المفروض هية علة ذمة غضنفر تغض بصرهة عن جميع الرجال وتنسة الي فات... بس شنو ذنب وعد اذا انحرمت من امهة وشنو ذنب شكرية وعمار لان حبو بعض وظلموهم اهاليهم...
شنو ذنب غضنفر ينصدم والله اليعلم شنو ممكن يسوي...اخاف لا يذبحهة ويدخل السجن منو الية غيرة اني
وعد: طلكهة
غضنفر: نامي وعد
وخرت ايدي ودرت للصفحة الثانية توقف البجي بعيوني بس بدة بكلبي...
كعدت الصبح وجهي معقوج وشعري مخربط.... غضنفر كعد من كمت من السرير...اخذت ملابس وطلعت للحمام سبحت وبدلت وطلعت...
ماباوعلة هاي هية خلي شيصير بعد خلي يصير اني الي اختاريت هل عيشة اني الي دمرت حياتي...هية بالحالتين مدمرة مو فد شي جديد...
غضنفر ...اباوعلهة ساكتة وتطلع بهدومهة من الجنطة...البارحة ماتحملت بعدهة عبالك فاقد شي عزيز....
من شفتهة بجت عفتهة انة هم تعبت اريد افكر براحة واعرف اتصرف شنو مو زلمة واخلي كلامهة وكلام اهلي يمشي علية...
المشكلة هية عندهة حق واهلي الباطلين بس ماكدر اوكف بوجههم اهلي الله يغضب علية اذا غضبتهم بس ماعرف شسوي احس نفسي متقيد بين صوبين لا اكدر اروح لهذا واخسر اهلي ولا اكدر اروح لذاك واخسرهة هية....
شايل عليهة جي صايرة تتزعل هواي واطلع قهرهة بية.... تفقد حتة اعصابهة وتكوم تحجي شيش بيش
'طيبة_الربيعي'
غضنفر: حضريلي هدومي اغسل وارجع للناصرية
باوعتلي: ليش تروح
غضنفر: احسن
كمت فتت للحمام ومن طلعت لكيتهة محضرة ملابسي وكاعدة عالجرباية بصفهن... ابدل وهية تباوعلي
غضنفر: كومي اخذيلي طريق
وعد: لتروح
غضنفر: كومي وعد
وعد: شبيك وياية
غضنفر: مابية شي سلامة عمرج، اخذيلي طريق خل اشوف دربي
كامت وعيونهة مدمعة: شبيك غضنفر تحجي وياية هيج
باوعتلهة: وعد ليش تلحين اكلج مابية شي ماكو شي شلون احاجيج وانتي دايسة بنص صدري، حتة الحجي مايفيد وياج
وعد: حقك اهلك همة متشوف غلطهم بس اني منو؟ مجرد زوجة او خدامة عندكم، تفضل
أنت تقرأ
عيون الريم ونظرات الصقر
Romantizmونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
