#عيون_الريم_ونظرات_الصقر
#طيبة الربيعي
||البارت الحادي والعشرون||
طفر غضنفر لبس فانيلتة وفتح الباب طلعت مرة مؤمل تحجي بخوف ورجفة
غضنفر: ها عذراء شبيج شكو
عذراء تبجي: وعد مدري شبيهة صايرة زركة وبس تتقيء
غضنفر بصدمة: شنوو
طلعو واني كمت غسلت ولبست حجابي وطلعت وراهم.... اسمع اصواتهم وصوت غضنفر عالي يعيط علة شكرية.... رحت ركض للغرفة كلهة ملتمة
غضنفر: انتي غبية ماتنتبيهن علة طفلة! ولج حرام خالهة يمج والله كوة تعتنين بيهة ولا عبالك بنتج!
ابو غضنفر بعصبية: هسه امشو ناخذهة للمستشفى مو وكت اعراكم!
شكرية تبجي وام غضنفر تهدي بغضنفر والامة عالكة.... غضنفر ركض للغرفة رحت ورا
غضنفر: طلعيلي دشداشة بسرعة'طيبة_الربيعي'
طلعتهة بدل واخذو وعد هو وعمي ومؤمل وراحو.... عمتي كامت تحجي علة شكرية
ام غضنفر: اهمداج يل ثولة نايمة بسابع نومة وناسية عندج طفلة بالكماط، ادعي من ربج مايجي غضنفر ويذبحج عالقبلة ثولة شسويلج
اني من الصدمة والقهر رجعت الغرفتي وسديت الباب.... شكد انقهرت عليهة ما الهة حس وامة اكلتهة اكل بلسانهة.... حسيت نفسي اريد ادافعلهة بس كلت مادخل مصارلي يومين هنا وبعدين اني مااحبهة كونهة مشاركتني بغضنفر بس هذا واقعي اني الي اختاريتة واجب علية اتحمل في سبيل الانسان الاحبة.....
اتصلت بغضنفر ناسي فونة هنا...ضل بالي طلعت اريد اشوف عذراء اذا تكدر تتصل بمؤمل واطمنة....صارت بوجهي عمتي'طيبة_الربيعي'
ام غضنفر: شنو تضلين بغرفتج، تعاي ساعديني شوية
هنا صدك نرفزتني.... ولا عبالك عروسة
وعد: ليش عمة اني غير هذا يومي الثاني بعدني عروسة وكلشي ماعرف بالبيت
ام غضنفر: اي غير بنت بغداد شعرفج بالنضافة
وعد: منو كلج بنات بغداد مو نضيفات
ام غضنفر: وتراددين حلوة هاي والله، منين جابج ابني الغشيم مادري
بقت ادردم اجاوزتهة ورجعت الغرفتي...انوب ضاجت اكثر وكامت تصيح على انو اني ماحترم عفتهة تحجي وحدهة....والله حرت وياج لو ابقة بعد ثانية كدامج اكب بوجهج....
للظهر يلة سمعت صوتهم واني بغرفتي.... محبيت اطلع ممتقبليني ليش احشك نفسي بيهم.... غضنفر مدخل اسمع صوتة العالي هم يعيط على شكرية....
شوية ودخل شافني شمر السويج عالميز وطب للحمام....وراهة صاحني اطلعلة ملابس.... طلعتلة وانطيتهيا من الباب ورجعت كعدت... طلع ينشف بشعرة
وعد: شصار، شنو بيهة وعد'طيبة_الربيعي'
غضنفر: مختنكة بزواعهة محد منتبه عليهة وامهة المسعدة نايمة ماتدري بشي
وعد: غير نايمة شمدريهة
باوعلي: والأم تنام ومادير بالهة علة طفلهة
وعد: ليش معصب غضنفر كتلك لتحجي وياية بهل طريقة اني ممسوية شي تريد روح عيط علة مرتك
غضنفر: هو هم صوجي انة الأغم، مو اعرف بيج ادورين الزلة
وعد: شنو معناتة هذا
غضنفر: كافي صمي حلكج و كومي صبيلي
وعد: شبيكم انتة وامك علية اليوم، فعلا السبب مني لان مهتمتلك
أنت تقرأ
عيون الريم ونظرات الصقر
Romanceونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
