عيون الريم ونظرات الصقر

بارت 1

#عيون_الريم_ونظرات_الصقر
#طيبة_الربيعي
||البارت الأول||

-يا خوية يا بوية من فاتت، شالتنة كلنة لفوووك السمة كمنة نحلق فوووك، وبشخصيتهة شمرتنة من العلو وكسرتنة، مو بنية تكول غزالة وفاتت، لعابة لعابة، شنو الشخصية شنو الرشاقة والطول شنو الاناقة والترتيب، والله لو ما استاذة اروح ادك بابهم حتة لو متزوجة، اووف بس ارتاحيت مابيديهة حلقة بروح كل ميت زوجونياهة'طيبة_الربيعي'

انة غضنفر استاذ جامعي عمري 31....وهذا اليحجي اخوي الصغير طالب جامعة وانة احداساتذتة....استاذ رياضيات وفيزياء...

اليوم مامداوم مريض ضاربتني فلاوزنة وصارلي يومين بالبيت حيل مابية....اجاني مؤمل يركض ومتخبل اريد افتهم منة السالفة شنو يعلكَ بالحجي...

خبصني طبتلنة غزالة مو بنية....عساس تجي استاذة جديدة ابدال الانقلت وانة ماحاط ابالي هيج حلوة....حسب كلام مؤمل.... هو هذا عينة زايغة ياهية اليشوفهة ينعجب بيهة كَلبة رهيف حيل'طيبة_الربيعي'

غضنفر: لك بابا انتبه الدراستك، هذا آخر جنص اذا ماحترمت نفسك ودرست احطلك صفر
مؤمل: استاذ غضنفر رجاءاً عوف الدرجات علة صفحة وركز وياية، اكلك مو بنية حورية ليش ماتصدك
غضنفر: عادي انتة كل البنات بعيونك حوريات، مو فد شي جديد
مؤلم: اكلة شلتني شل شالتني ولطشتني بالحايط مايصدك، اكلك متتت معت من شفتهة
غضنفر: مؤمل شو بديت تنحرف، شموصيك انة
مؤلم: خوية والله اذا شفتهة انتة مو بس تنحرف عن الطريق تندعم بالشجرة
جنت اصلح بالامتحانات مال طلاب، بيدي دفتر شمرتة عليه حيل
غضنفر: كوم لا اشكهن عليك، امشي ادرس والله مارحمك هل سنة
مؤمل: دشوفهة وتعال حط راسي بالوحل مو بس تشكك الدفاتر عليه
شمرت القلم: دمشي دنعل اليوم الأجيت بي
راح طلع من الغرفة، خلصت نصهن وضميتهن تعبت، نزعت المناظر فركت عيني، دخلت شروق اختي
شورق: يلة استاذي صار الغدة
غضنفر: جاي عيوني

شروق مخطوبة وبعد جم شهر زواجهة... والدي ووالدتي الحمدلله عايشين خيمة فوك روسنة...عندي بعد اخت متزوجة بس بالناصرية...سويت نقل البغداد لان صارت مشاكل بين عمامي وابوي ماعدهم الزلمة يعوف الديوان....'طيبة_الربيعي'

كل همهم المسائل العشائرية وانة احب مهتني... علمود اكسر الشر كتلهم هاي هية انة راح اقدم نقل لبغداد لا ازعجكم ولا تزعجوني...والدي الله يحفظة مارضة يعوفني وحدي واذكر شلون رزلهم وتعارك وياهم لخاطري....

ورة فترة اجوي صالحو بس هم مارضة يرجع للناصرية لكن يروح ويجي حسب الاشغال.... ابوي مزوج ثنين...امي الأولى يحبهة ومايصبر يوم بدونهة بس جدي الله يرحمة جبرة ياخذ بنت عمة وامي جي تحبة تحملت وبقت ويا....