#عيون_الريم_ونظرات_الصقر
#طيبة الربيعي
||البارت الثامن||
بابا صار اعصاب نار وهو بي ضغط خفت عليه...وهذا مسكت غضب الله عليه انشاءلله
رسول: بسيطة عمي تطردني علمود بنتك! ماشي
ابو وعد: امشي اطلع!
دفع الباب حيل وطلع...طباكات...طلعت ركض للمطبخ جبت مي وشربت بابا حسيتة حيطك
وعد: امشي جيبيلي حبوبة بسرعة'طيبة_الربيعي'
راحت مرام جابتهن واجتي ركض...ردت انطي مقبل
وعد: بابا حبيبي لازم تاخذهن موزين عليك
ابو وعد: عوفيني بابا عوفيني بلكت اموت واخلص
الجميع: اسم الله
ام وعد: كول يا الله عيني ميخالف رسول زعطوط تاخذ بحجية
ابو وعد: ماعتب عليه اني، اخلي راسي براس جاهل، عتبي علة اخوية اليدز ابنة ميكلف نفسة ويجي هو يحاجيني
ضرغام: عمو ترة رسول امي تمشي لا عبالك ابوية، والله امي التحرك البيت وتخليهم يكبون
ام وعد: خالة امك من يوم يومهة هيج مو شي جديد وابوك مجان يسمعلهة مادري شصار هسه وشنو التغير'طيبة_الربيعي'
وعد: سدو الموضوع هسه، بابا لخاطري كوم ارتاح بغرفتك
ابو وعد: عوفيني بابا روحي ارتاحي انتي وتغدي
مقبل يكوم بقة كاعد بالهول وايدة علة راسة... واني بدلت وكعدت بالغرفة وية مرام نفسي مزدودة
وعد: شصار ليش اجة
مرام: ماعرف اجة يعيط يريد يرجع ضرغام ويغلط عليه محترم وجود ابوية، بابا عصب وبقة يتلاسن ويا بالحجي بعدها انتي دخلتي وصار الي صار
وعد: شلون بي هذا ياربي شنو فلمة ترة حتة الله ميقبلهة، ماكو بنات غيري خلصن بس اريد افتهم
مرام: صدمني طبعا مجنت اعرف بي هلكد اخلاق سز، يجاوز ويعيط جنت مخدوعة بي، همزين موافقتي عليه
وعد: طرطور اهلة هو شنو هذا عايش اللحظة شاف نفسة رجال علينة، يمشي بكلام امة السحارة
مرام: اني مقهورة علة ضرغام يكلي محد بيهم طابك وياية كلهم ضدي'طيبة_الربيعي'
وعد: خليهم همة الخسرانين، مدام تحبون بعض تمسكو ابعضكم لتخلون احد بينة يأثر علة علاقتكم سلبياً ترة ضرغام يحبج والدليل تخالف وية اهلة في سبيل تصيرين الة
مرام: اعرف والله واني اموت عليه، بس سالفتنة واضحة وضوح الشمس، داجة فد نوب
وعد: لا لتحجين هيج، الله يقول للشيء كن فيكون مو صعبة عليه سبحانه وماكو شي يصعب عليه بس تبقة انتي واصرارج لحي بالدعاء و الله ينطيج مرادج
مرام: انشاءلله الله يسمع منج
بيومهة البيت كئابتة فول.... ماما تحاول تلطف الجو بس بابا كلش ضايج ومالة نفس يضحك ويانة.... حاولت ويا بس بطريقة غير مباشرة هم مفاد...
'طيبة_الربيعي'
ضرغام خطية ميجي للبيت بس عالنومة واني حسيتة ممرتاح...اجة بليل وبس اني ومرام كاعدات... كتلهة تصعد ميصير تبقة يمنة اريد احاجي
وعد: ها ضرغوم وين جنت
ضرغام: والله وية جماعتي بالكوفي
وعد: ديلة اكعد حتة اسويلك عشة
ضرغام: لا ماكل الله ينطيج العافية
وعد: دكعد نكنك وياية ضايجة وحدي
ضرغام: ماشي لعد
أنت تقرأ
عيون الريم ونظرات الصقر
Romanceونشكو بالعيون اذا التقينا فأفهمهُ ويعلم ما اردتُ أقول بمُقلتي أني متُ شوقاً! فيوحي طرفهُ أني قد علمتُ...
